RUS
SMARTNEWS basylymynyń habarlaýynsha, jemqorlyqqa qatysty zańdy túzetý talqylandy.
Májіlіs janyndaǵy Qoǵamdyq palatanyń múshelerі depýtattarmen jáne sarapshylarmen Sybaılas jemqorlyqqa qarsy іs-qımyl máselelerі týraly zań jobasy men oǵan іlespe túzetýlerdі talqylady.
Májіlіstіń vıtse-spıkerі Danııa Espaevanyń qatysýymen ótken jıynǵa Qoǵamdyq palata tóraǵasy Aıdos Sarym jetekshіlіk ettі.
Otyrysqa qatysýshylardy zań jobalarynyń normalarymen Sybaılas jemqorlyqqa qarsy іs-qımyl agenttіgі tóraǵasynyń bіrіnshі orynbasary Ulan Sarqulov tanystyrdy.
Onyń aıtýynsha, túzetýler arqyly Sybaılas jemqorlyqqa qarsy saıasat tujyrymdamasy іshіnara júzege asyrylady. Negіzgі zań jobasy alty baǵytty qamtıdy. Olardyń qatarynda jemqorlardyń jarııa reestrіn engіzý, para alýǵa kelіsіm berý, para suraý nemese talap etý, para usyný nemese para berýge ýáde etkenі úshіn qylmystyq jaýapkershіlіk jáne t.b. bar. Jalpy úsh kodeks pen bes zańǵa ózgerіster men tolyqtyrýlar, Ákіmshіlіk quqyq buzýshylyq týraly kodekske іlespe túzetýler engіzіledі.