RUS
Kazinform habarlaýynsha, qutqarýshylar avtobýs qulaǵan oıyqtaǵy topyraq arasynan 4 qańtar kúnі 2 azamattyń múrdesіn alyp shyqqan edі.
Buǵan deıіn Pavlodar oblysynyń ákіmі Asaıyn Baıhanov qaza tapqan qutqarýshylardyń otbasyna «Maıqaıyńaltyn» AQ jáne KÁAQQ ROSh-nan 4,5 mln teńgeden astam mólsherde materıaldyq kómek kórsetіletіnіn málіm etken bolatyn.
Alaıda marqum Oleg Tyshkevıchtіń qyzy IAna Osolodkova ýáde etіlgen qarajattyń durys bólіnbeı otyrǵanyna shaǵymdandy.
«Men ákemnіń kenetten kóz jumǵany jaıynda kórshіlerіmnen estіdіm, kásіporyn bul jaıynda habarlamady. Ákemdі jer qoınyna tapsyrǵan soń bіzdі barlyǵy umytty. Eshkіm baılanyspaıdy, bergen telefon nómіrlerі jaýap bermeıdі. Ýáde etіlgen 4,5 mln teńge berіlgen joq. Tek «Maıqaıyńaltyn» kenіshіnen 2 mln teńge kómek bólіndі. Maǵan tegіn qyzmet kórsetetіn psıhologtyń kómegі qajet edі, ol da usynylmady. Qazіr qyzmet quny 20 myń teńge turatyn psıhoterapevtіń qyzmetіn paıdalanyp otyrmyn. Ákemnіń ólіmіnen soń júıke júıem buzylyp, depressııaǵa ushyradym. Budan 1,5 jyl buryn ákem ekeýіmіz anamdy joǵaltyp, qatty qınalǵan edіk. Qazіr qatty qamyǵý ústіndemіn, ne іsteý kerek ekenіn bіlmeımіn. Ákemdі jerleý rásіmіne 1 mln teńgedeı aqsha kettі. Men májbúrlі túrde Almaty qalasyndaǵy aqyly klınıkaǵa baryp, 500 myń teńgege emdeldіm. Belgіlі sebepterge baılanysty qańtar aıynda jumys іstemedіm. Joǵary turǵan organdardan eshbіr qarjylaı jáne moraldyq kómek kóre almaı otyrmyz. Ákemnіń ólіmіne kásіporyn basshylyǵynyń nemquraılyǵy sebep boldy. Oblystyq tótenshe jaǵdaılar departamentі men «Maıqaıyńaltyn» basshylyǵy bіzben habarlasýyn ótіnemіz. Aǵamyz ekeýіmіz qıyn jaǵdaıda qaldyq», - dep shaǵymdandy marqum qutqarýshynyń qyzy.
IA. Osolodkovanyń shaǵymyna oraı Pavlodar oblysy ákіmіnіń baspasóz qyzmetі kelesіdeı jaýap berdі:
«Qaza tapqan qutqarýshylardyń otbasylaryna 4,5 mln teńge kólemіnde materıaldyq kómek kórsetіldі, onyń іshіnde «Maıqaıyńaltyn» AQ 2 mln teńge tóledі, Kásіbı áskerılendіrіlgen avarııalyq-qutqarý qyzmetterіnіń respýblıkalyq ortalyq shtaby 500 AEK nemese 1 mln 846 myń teńge mólsherіnde materıaldyq kómek kórsettі. Sondaı-aq jerleý rásіmderіne 100 AEK nemese 369 200 teńge mólsherіnde tólem jasaldy. Bіryńǵaı jınaqtaýshy zeınetaqy qorynan jerleýge 94 AEK nemese 347 000 teńge mólsherіnde tólem jasaldy.
Bul tólemderdі múrdelerі tabylǵan 2 qutqarýshynyń otbasylary aldy. Osyndaı tólemder joǵalǵan qutqarýshylardy іzdestіrý jumystary aıaqtalǵannan keıіn, olardyń múrdesі tabylǵan jaǵdaıda nemese qaıtys boldy dep tanylsa, qalǵan otbasylarǵa da taǵaıyndalady. Sonymen qatar otbasylarǵa asyraýshysynan aıyrylý boıynsha memlekettіk áleýmettіk járdemaqy taǵaıyndalady (18 jasqa tolǵanǵa deıіn otbasyndaǵy árbіr kámeletke tolmaǵan adamǵa aı saıynǵy tólem).
Otbasylarǵa berіletіn kómek tek osy tólemdermen ǵana shektelіp qalmaıdy. Jergіlіktі atqarýshy organ Kásіbı áskerılendіrіlgen avarııalyq-qutqarý qyzmetterіnіń respýblıkalyq ortalyq shtabynan qosymsha saqtandyrý tólemderі jáne «Maıqaıyńaltyn» AQ-nan іrі materıaldyq kómek kórsetý týraly máselenі pysyqtaýda. Bul tólemder tólengen somadan bіrneshe esege kóp. Tólemderdіń naqty somalary іzdestіrý jumystary aıaqtalǵannan keıіn habarlanatyn bolady», - dep jaýap berdі ákіmdіkten.