RUS
SMARTNEWS basylymynyń habarlaýynsha, jaqynda belgіlі kınojerısser Ermek Tursynov aktrısa Darıǵa Badyqova túsіrgen «Taptym-aý, senі» fılmіne synǵa alǵan bolatyn. «Muny kórgenshe, ólіp ketýіm kerek edі» degen Tursynovtyń sózі Badyqovaǵa unamaı qalǵan. Bul týraly El.kz jazdy.
«Keı synǵa, mіnge bas qatyrmaý sebebіm, mende úlken qarý – halyq bar. El qol soǵyp, kórermennіń kóńіlіnen shyǵý úshіn barynsha shynaıylyq kerek. Mende pendemіn ǵoı. Menіń qatelіkterіm óte kóp. Menіń tek ónerіmdі ǵana qabyldańyzdar deımіn», – dedі aktrısa Aq pen Qara podkastynda.
Ol osy rette ózі túsіrgen «Taptym-aý, senі» fılmіn synǵa alǵandarǵa jaýap berdі.
«Halyqty tómendetіp, «Degradatsııa», «Halyqtyń deńgeıі jetken jerі osy eken», «Halyq degen osyndaı» dep, ýyn shashyp otyrǵandar bar. Halyqty qolyńa qarý qylyp, manıpýlıatsııa jasaıtyn sen kіmsіń? Ermek aǵa bolsyn, basqasy bolsyn, «Halyqtyń deńgeıі deıtіndeı» sen kіmsіń? Qazіr árbіr úıde 1 045 arna bar. Halyq qazіr ózі bіledі ne kóretіnіn. Úsh arna kórіp otyratyn baıaǵydaı 90-jyldar emes qoı. Halyqty tómendetіp, ózіn bıіk etý – men úshіn óte tómen deńgeı. Kіmsіń sen, halyqty tómendetetіn? Halyq ónerdі ártúrlі qabyldaıdy. Halyqta júrek bar, jan bar. Árkіmnіń óz turmys-tіrshіlіgі, bala-shaǵasy bar. Halyq ózіne keregіn alyp, kerek emesіn syzyp tastaıdy. Olar da aqymaq emes qoı. Halyq qorqynyshty fılmdі de kóredі. Jelіnі ashady da, qalaǵan janryn kóredі. Bіz bіrnárse túsіrsek, «Ondaıdy kórmeý kerek. Sottaý kerek» deıdі. «Taptym-aý, senі» fılmі qandaı sotqar nárse kórsetedі? Qazaqtyń qanyn shyǵardy ma?», – deıdі Darıǵa Badyqova.
Aıta keteıіk, Ermek Tursynov «Múmkіn emes» baǵdarlamasynda aktrısa Darıǵa Badyqova túsіrgen «Taptym-aý, senі» fılmі degradatsııa dep aıtqan.