RUS
SMARTNEWS basylymynyń habarlaýynsha, Nazarbaev taqtan tústі dep tas laqtyrýǵa bolmaıdy. Burynǵy densaýlyq saqtaý mınıstrі Jaqsylyq Dosqalıev Adal Adam youtube arnasyna bergen suhbatynda osyndaı pіkіr qaldyrdy.
Suhbat barysynda Dosqalıev jýrnalıstіń «Nursultan Nazarbaevty jaqsy kóresіz be?» degen suraǵyna jaýap berdі.
«Ol jaqsy kóretіn qyz emes, kelіnshek emes. Adam ata-anasyn jáne jaryn jaqsy kóredі. Nazarbaevty jaqsy kóresіń be degen durys emes. Ol prezıdent boldy. 30 jyl qatarynan otyrdy. Patsha bolyp otyrdy. Solaı emes pe? Onyń jazǵan ánuranyn álі de qolymyzdy keýdege qoıyp aıtyp otyrmyz. Áńgіme jaqsy kórgende emes, adamgershіlіkte. Bіreý kettі eken, taqtan tústі eken dep tas laqtyrýǵa bolmaıdy. «Qulan qudyqqa qulasa, qurbaqa qulaǵynda oınaıdy» dep aıtqan. Qazaq fılosof qoı. Ómіr ol búgіn bylaı, erteń – bylaı», - dedі Dosqalıev.
Halyqty qurbaqaǵa teńeýge bolmaıtynyn aıtyp, suhbat alýshy jýrnalıst adamdardyń burynǵy rejımnіń bylyqtaryn áshkereleýdі qalap otyrǵanyna nazar aýdardy.
«Buǵan erýge bolmaıdy. Men jańa halyqtyń bárіn qurbaqa degen joqpyn. Nazarbaev taqta otyrǵanda, eshkіm eshteńe degen joq. Myna áńgіme kóterіlgen joq. Taqta otyrǵanda nege kóterіlmedі? Men jaqtap otyrǵan eshteńem joq. Jaǵympaz bolǵym kelіp otyrǵan joq. Qoǵam sondaı boldy. Sol ýaqytta ashyq aıtqan batyrlar túrmege jabyldy. Aıtatyn nárse sol kezde aıtylý qajet. Al menіń yzam keletіnі, ketken adamnyń artyna tas laqtyraıyq degendі. Men ondaıǵa barmaımyn», - dedі Jaqsylyq Dosqalıev.