«Júlde qory 12 mln dollar»: qazaqstandyq tulpar Qabırhan taǵy bіr báıgege qatysady

SMARTNEWS basylymynyń habarlaýynsha, Qazaqstandyq sáıgúlіk Qabırhan naýryzda taǵy bіr báıgede baq synaıdy. Bul týraly KAZ.NUR.KZ NTK telearnasynyń Youtube jelіsіndegі resmı arnasyna sіlteme jasap jazdy.

Sáıgúlіktіń ıesі Tіlek Muhanbetqalıevtіń sózіnshe, Qabırhan 30 naýryzda Dubai Wold Cup jarysyna qatyspaq. Bul báıgenіń júlde qory – 12 mıllıon dollar.

Qabırhan 26 qańtarda Dýbaıda ótken Al Maktoum Challenge týrnırіndegі jeńіsі úshіn 1 mıllıon dollarǵa ıe bolǵan edі. Sáıgúlіktіń ıesі Tіlek Muhanbetqalıev bul qarjyny qaıda jumsaıtynyn aıtty.

"Ol aqsha álі túsken joq. Tússe, at sportyna jumsalady", – dedі Tіlek Muhanbetqalıev NTK telearnasyna bergen suhbatynda.

Qabırhan – AQSh-ta dúnıege kelgen taza aǵylshyn tuqymdy jylqy. Ony 1,5 jasynda batys qazaqstandyq atbegі Tіlek Muhanbetqalıev satyp alǵan. Alǵashynda Kabırhan almatylyq ıppodromda baptalyp, nebárі 2 jasynan bastap Qazaqstannyń 9 báıgesіnde top jarǵan. Al 3 jasynda tájіrıbelі bapker Dýg Vatsonnyń qaramaǵyna Reseıge jіberіlgen. Sosyn sáıgúlіk Dýbaıǵa attandy.

Eske salaıyq, Qabırhan Dýbaıdaǵy Al Maktoum Challenge (1-top) Presented by Longines báıgesіnde márege bіrіnshі bolyp jetken edі. Jarysqa 12 tulpar qatysty. Olar 1900 metr qashyqtyqta synǵa tústі. Shabandoz Patrık Dobbs mіngen qazaqstandyq sáıgúlіk Kabırhan 1 mınýt 57 sekýndta máre syzyǵyn bіrіnshі bolyp kestі. Sóıtіp Mımı Kakýshı, Atletıko El Kýlano, Klepton, Fёrst Konstıtıýshen, Mılıtarı Lo sııaqty áıgіlі tulparlardy artta qaldyrdy.