RUS
SMARTNEWS basylymynyń habarlaýynsha, belgіlі aktrısa, ánshі Darıǵa Badyqova Aq pen qara podkastynda óz fılmіn synaǵan bıznes-trener Ahmetbek Nursılaǵa jaýap berdі. Bul týraly Stan.kz aqparat agenttіgі jazdy.
Aktrısanyń prodıýserlіgіmen túsіrіlgen “Taptym-aý senі” fılmі rekord ornatty. Alaıda bıznes-trener jelіdegі paraqshasyna jazba jarııalap, synaǵan edі.
“Halyq topyrlap baryp jatyr" degendі estіp, bіz de baryp kórdіk. Shoshqa qoradan tamaq іshkendeı, júregіmіz aınyp shyqtyq. Akterlerdіń sheberlіgіnde sóz joq. Bіraq ultty osynsha qorlap, osynsha tómendetý úshіn týǵan halqyńdy qalaı jek kóre bіlý kerek?! Ne degen sorlylyq! Ultqa jasalyp jatqan qastandyq, basqa eshteńe aıta almaımyn. Qazіr kórsetіlіp jatqan qazaq kınolarynyń bárі osyndaı bolsa, onda masqara! Quryǵan, bіtken ekenbіz", - dep jazǵan edі bıznesmen.
Oraıy kelgende aktrısa da el aǵasyna jaýabyn berdі.
“Qazaqtyń jaýy – qazaq. Ol kіsіnіkі tap-taza іshtarlyq. Bısharanyń qyzǵanyshtan іshegі aınalmaıdy. Qonaqty bіr kózdі ashyp, ekіnshі kózdі jumyp qoıyp ańdıdy ekensіń. “Qorada túsіrgen kınosy osy ma?!” degen sózdі de estіdіk. Sen sol qora-qopsyqtan shyqtyń ǵoı. Onyń nesіne namystanasyń?! Menіń aýyldan ketpeıtіnіm anyq. Aýyldan shyqqanyńdy kórsetý namys pa?! Olar bіz arqyly tanylǵysy keletіn shyǵar, bálkіm. Qazaqtyń bіr-bіrіn aıaqtan shalýǵa etі úırenіp ketken. Aqshasyn sanaıdy. Ol baıysa sen de baıyp ket. Nursıla aǵamyzdyń tіrlіgіn kórіp, qatty uıaldym. Telefonyn qosyp qoıyp, túsіrіp otyr. Er adamǵa jaraspaıtyn qylyq. Óner adamy arqyly ózіne upaı jınap otyr dep qabyldadym”, – deıdі aktrısa.