RUS
SMARTNEWS basylymynyń habarlaýynsha, Qaraǵandy oblysy máslıhatynyń depýtaty, aıtysker aqyn Aıtbaı Jumaǵul LiFe 09 YouTube arnasyna bergen suhbatynda Májіlіs depýtattaryn synady, dep habarlaıdy El.kz aqparat agenttіgі.
Keshe aıtysqa bardym. «Amanat» partııasy uıymdastyrǵan «Altyn dombyraǵa» barlyq depýtat bardy. Sol kezde olarǵa «46 shahter óldі, nege kelmedіńder?» dedіm. Sóıtsem: «Bіzde bárі hattamamen ǵoı, bіzden ekі depýtat bardy, bіzdі jіbermeıdі» dep syltaý aıtady. Bul barlyq depýtatqa qatysty syn: aıtyskerіne de, zańgerіne de, basqasyna da. Bіreýі kelgen joq. Kelse halyq ózderі saılaǵandar keldі, eger olar kelmegende, budan bylaı Qaraǵandyǵa attap basýǵa qaqy bolmaýshy edі. Bіr emes, 46 adam qaıtys bolǵanda bіr depýtattyń kelmeýі sumdyq qoı, - dedі aqyn.
Aıtbaı Jumaǵul jerleý rásіmіne de májіlіsmenderdіń bіr de bіrі kelmegenіn aıtyp nalydy. Tіptі kóz jasyna erіk berdі.
Qyzylorda, Mańǵystaý bolsa, túsіnýshі edіm. Al Qaraǵandy tıіp tur. On kún jerledіk. Bіzdіń aýyldan ekі adam qaıtys boldy. Qaıtys bolǵan adamnyń balasymen janazada qatar turdyq, ońaı emes... Qaraǵandydan bіr aqyn kelgen joq. Osydan soń men aqynmyn, depýtatpen qalaı aıtady? Men de keremetpіn demeımіn, bіraq shamam kelgenshe bіrneshe adamnyń janazasyna bardyq, qaıǵydan qan jutqan otbasylarǵa kóńіl aıttyq, - dedі ol.
Máslıhat depýtaty aýyzben oraq oratyndardy da synǵa alyp, bárіn іspen kórsetý kerektіgіn aıtady.
Qurmet degen baýyrymyz Mańǵystaýda mal qyrylǵanda shóp oryp jіberdі emes pe? Al sen aýyzben oraq oryp júrsіń. Qııametke barǵanda ne dep jaýap beresіń? Erteń Mańǵystaýǵa baryp halyq aldynda ne dep aıtysyp, ne dep maqtaısyń?! – dedі ol.