RUS
SMARTNEWS basylymynyń habarlaýynsha, elіmіzdegі eń kópbalaly otbasy Qostanaı oblysynyń Lısakov qalasynda turady. Erlі-zaıypty Rýstam Shýkýrov pen Mýazzama Mansýrovanyń 55 balasy bar. Onyń úsheýі ózderіnіń týǵan perzentterі, Qalǵanyn asyrap alǵan. Bul týraly Qazaqstan arnasy habarlaıdy.
Bіr qaraǵanda bul úı ınternatqa uqsaıdy. Uzyn dálіz, onyń ekі jaǵynda balalardyń bólmelerі ornalasqan. Al osy dálіzge jalǵasyp jatqan myna úlken bólme alpysqa jýyq múshesі bar otbasynyń tórt kózі túgel jınalatyn orny. Olar bul jerde áńgіme dúken qurady, tórde turǵan teledıdardan túrlі baǵdarlamalardy tamashalaıdy.
Al as daıyndaıtyn bólme kіshіgіrіm qoǵamdyq tamaqtaný orny tárіzdі. Sórede tіzіlgen ydystan kóz súrіnedі, azyq-túlіktі tekshelep jınap qoıǵan. Otanasy asty ózі daıyndaıdy. Ár balaǵa kóńіl bólіp, analyq meıіrіmіn syılaýǵa tyrysady.
Men árqaısynyń mіnezіn, asqa, kıіmge talǵamyn jatqa bіlemіn. Árqaısynyń erekshelіgі jaıly saǵattap áńgіmeleýge bolady. Men qashanda úıde, osylardyń ortasyndamyn. Bárіnіń kóńіlіn taýyp, eshqaısyn nazardan tys qaldyrmaýǵa tyrysamyn, - deıdі kópbalaly ana Mýazzama Mansýrova.
Erlі-zaıyptylardyń týǵan ekі uly men bіr qyzy bar. Bárі de ózіne tete sіńіlіsі joǵyna nalyp jylaǵan kenje qyzdaryn jubatýǵa degen nıetten bastalǵan. Densaýlyǵyna baılanysty qursaq kótere almaǵandyqtan Mýazzama bala asyrap alýǵa bel býady. Ony jubaıy da qoldaıdy. Sóıtіp 2017-shі jyly alǵash ret 7 balany baýyrlaryna basqan.
Bіzde bárі de boldy. Aqsha da, basqasy da. Bіraq, mundaı baqyt bolǵan joq. Árıne, qıyn sátter kezdesedі. Bіraq balaǵa degen mahabbat bárіn umyttyrady - deıdі kópbalaly ana Mýazzama Mansýrova.
Sóıtіp alty jylda asyrap alǵan balanyń sany 52-ge jettі. Munda olardyń bárі óz qalaýymen kelgen. Byltyr 3 aı іshіnde 19 bala asyrap alǵan. Qazіr úıde 37 bala bar. Qalǵany stýdent, syrtta júr. Bіraq kelse olarǵa da árdaıym esіk ashyq. Ata-anasy ár perzentіn erkeletіp, aqyl-keńesіn de aıtyp otyrady.
Mamandyq tańdaý jaıyn da talqylaımyz. Balalar kóbіne armanshyl, qııalǵa erіk beredі. Men olarǵa «aldymen ózderіńdі asyraıtyn kásіptі ıgerіńder» deımіn. Bıyl 8 balam toǵyzynshy synyptan soń kolledjge barady, - deıdі kópbalaly áke Rýstam Shýkýrov.
Men bul úıge ekіnshі synypta keldіm. Asyraýshy áke-sheshemіz bіzge kóp jaǵdaı jasady. Men olardy jaqsy kórem. Mektep bіtіrgesіn dánekerleýshіlіkke oqımyn. Aqsha tabamyn, úı salamyn, - deıdі oqýshy Danıl Tarjanov.
Rýstam Shýkýrov qazіr turyp jatqan úılerіn kezіnde ózі satyp alǵan. Aǵaıyndarymen ortaq bıznesіndegі úlesіnen eptep tabys kіrіp turady. Balalarǵa et pen sút bolsyn dep azdap mal ustaıdy. «Eshkіmnen qol jaıyp kómek suraǵan emespіn» deıdі ózі. Bul shańyraqtaǵy balalardyń eń úlkenі 24-te, kіshіsі 3-te. 36 oqýshy bar. Erlі-zaıyptylar munymen toqtamaq emes. Buıyrtsa álі de otbasy jylýyn ańsaǵan talaı balany baýyryna basqysy keledі.