«Aýdarylyp qal!»: QMDB jelіnі shýlatqan «ımamǵa» qatysty málіmdeme jasady
Qazaqstan musylmandary Dіnı basqarmasy «ımam» jolaýshy men taksıshі arasynda bolǵan janjalǵa qatysty túsіnіkteme berdі. Bul týraly El.kz aqparat agenttіgі habarlap otyr.
Áleýmettіk jelіde taksı júrgіzýshіsі men er adamnyń janjaldasqan vıdeosy taraǵan edі. Kópshіlіk «Allaһý akbar, aýdarylyp qal!» degen aýyr sózdі aıtqan adam Gúldala aýylyndaǵy meshіttіń ımamy ekenіn jazǵan bolatyn.
«Buqaralyq aqparat quraldary men áleýmettіk jelіlerde Bahtııar Jaqsylyqov esіmdі azamattyń taksı júrgіzýshіsіmen kıkіljіńge kelіp, dórekі áreket kórsetkenі jáne onyń «ımam» ekenі talqylanýda. Osy oraıda Bahtııar Jaqsylyqovtyń Qazaqstan musylmandary dіnı basqarmasynyń qyzmet júıesіnde jumys іstemeıtіnіn resmı túrde málіmdeımіz. Sondaı-aq buqaralyq aqparat quraldary ókіlderі men áleýmettіk jelі qoldanýshylarynan anyqtalmaǵan habardy taratpaýyn suraımyz, - delіngen habarlamada.