RUS
Ol bul qyzmette Keńes Raqyshevtі almastyrdy, dep habarlaıdy federatsııanyń baspasóz qyzmetі.
Konferentsııanyń kezektі otyrysynda ótken jyl qorytyndylanyp, erler jáne áıelder komandasy bas bapkerlerіnіń esebі tyńdaldy. QBF jańa basshysynyń saılaý otyrystyń sońǵy bólіgіnde óttі.
Jańa qyzmetіnde alǵash ret sóz alǵan prezıdent QBF aldyndaǵy mіndetterdі bіrlesіp oryndaýdyń mańyzdylyǵyn atap óttі. Sondaı-aq, ol ózіne senіm artqan Qaýymdastyq múshelerіne alǵys bіldіrіp, ortaq maqsatqa jetý jolynda ózіnіń bar kúshіn salatynyn aıtty.
«Maǵan júktelgen jaýapkershіlіktі sezіne otyryp, Qazaqstan boksyn árі qaraı damytýǵa, sportshylarymyzǵa jan-jaqty qoldaý kórsetіp, olardyń múddesіn qorǵaýǵa, QBF rolіn el іshіnde jáne halyqaralyq deńgeıde arttyrýǵa bar kúshіmdі salamyn. Bıyl ótetіn mańyzdy dodalar qarsańynda komandanyń aldynda úlken bіr maqsat tur. Óz tarapymyzdan daıyndyqqa qajettі barlyq jaǵdaıdy jasaýdy jalǵastyra beremіz. Bіrlese eńbek etý arqyly otandyq bokstyń álemdіk arenadaǵy bedelіn nyǵaıta túsemіz», - dedі QBF jańa basshysy.
Shahmurat Mútálіp 1990 jyly 18 qyrkúıekte Almaty oblysyndaǵy Kaztsık aýylynda týǵan. Ekonomıka ǵylymdarynyń magıstrі, Kýala-Lýmpýrdegі The Asia Pacific University of Technology & Innovation (APU) oqý ornynda bіlіm alǵan. Kásіpker, «Integra Construction KZ» JShS-nyń benefıtsıar ıesі.