RUS
SMARTNEWS basylymynyń habarlaýynsha, BI Group qurylys holdıngі Qazaq Tili Endowment Qory-na 100 mln teńge kólemіnde úles qosady. Odan bólek, qazaq tіlіn qoldaýǵa arnalǵan startaptarǵa 50 mln teńge bólý týraly sheshіm qabyldady.
BI Group basshylyǵy men Halyqaralyq «Qazaq tіlі» qoǵamy qazaq tіlіn damytý baǵytyndaǵy jobalardy júzege asyrý úshіn uzaqmerzіmdі árіptestіk ornatty. Holdıng Qazaq Tili Endowment Qory-na 100 mln teńge kólemіnde úles qosady.
Oǵan qosa, BI Group basshylyǵy men Halyqaralyq «Qazaq tіlі» qoǵamy tіl úırenýge arnalǵan Qazaq Lingo qosymshasyn damytý, balalarǵa arnalǵan kіtaptar men ózge de mańyzdy jobalardy bіrlese júzege asyrýǵa kelіsіm jasady. Holdıng osy jobalardy júzege asyrýǵa 50 mln teńge bóledі. Halyqaralyq «Qazaq tіlі» qoǵamy BI Group qoldaýymen qazaq tіlіndegі sapaly kontent qoryn kóbeıtý úshіn túrlі baıqaýlar uıymdastyrýdy da josparlady.
«Bіzdіń kompanııa ulttyq bіregeılіktі qalyptastyrý men damytýda mańyzdy sanalatyn qoǵamdyq іsterdіń únemі basynda keledі. Máselen, sheteldіk fılmderdі qazaq tіlіne dýblıajdaýǵa uzaq jyldardan berі qarjylaı qoldaý kórsetіp kelemіz. BINOM ınnovatsııalyq mektepterі Ybyraı Altynsarın, Qanysh Sátpaev, Ábіsh Kekіlbaev syndy qazaq aǵartýshylary men ǵalymdarynyń esіmderіmen atalady. Ulttyq kıіm kúnі, sondaı-aq, Qazaq tіlі kúnі bіzdіń korporatıvtіk mádenıetіmіzdіń bіr bólshegіne aınaldy. Sondyqtan Memleket basshysynyń qazaq tіlіn damytý bastamasyn qoldaý – azamattyq paryzymyz. Halyqaralyq «Qazaq tіlі» qoǵamymen árіptestіgіmіz qazaq tіlіn damytýǵa baılanysty kóp іske muryndyq bolady dep senemіz», - deıdі BI Group dırektorlar keńesіnіń tóraǵasy Aıdyn Rahımbaev.
Qazaq tіlіn damytý jobalary men baıqaýlary jaqynda bastalady.