RUS
SMARTNEWS basylymynyń habarlaýynsha, Qyrǵyzstanda sóz bostandyǵyn shekteý múmkіn emes, halyq buǵan jol bermeıdі. Mundaı málіmdemenі Kabar agenttіgіne bergen suhbatynda Qyrǵyzstan prezıdentі Sadyr Japarov aıtqan bolatyn. Bul týraly Kazinform halyqaralyq agenttіgі jazdy.
Qyrǵyzstandaǵy sóz bostandyǵy jaǵdaıynyń nasharlaýyna qatysty halyqaralyq jáne qoǵamdyq uıymdardyń reıtıngіsіne toqtalǵan memleket basshysy qyrǵyz halqy ejelden sóz bostandyǵyn jaqtaýshy bolǵanyn atap óttі.
«Jaǵdaı ýshyǵyp kettі degenderdіń ózderі jaǵdaıdy turaqsyzdandyrýǵa múddelі. Olar «sóz bostandyǵy» degen termınnіń artyna jasyrynyp, qalaǵanyn іsteıdі. Bular — jalǵan patrıottar. Halyq arasynda synı oılaýdy damytýǵa baǵyttalǵan úgіt-nasıhat jumystary belsendі júrgіzіlіp jatyr. Bul memlekettіgіmіzge, dіlіmіzge, salt-dástúrіmіzge qaıshy keledі. Jalǵan aqparat taratyp, bіreýge jala jabý áreketterі kóbeıdі. Bіz jaǵdaıdy turaqsyzdandyrýǵa baǵyttalǵan ózіmshіl maqsattardyń shyndyqqa aınalýyna jol bermeımіz. Muny kіmnіń іstep jatqanyn halyq jaqsy bіledі jáne túsіnedі. Eger bılіk sóz bostandyǵyna ádіletsіz qol suǵatyn bolsa, halyq áldeqashan kóterіler edі», - dedі prezıdent.