RUS
SMARTNEWS basylymynyń habarlaýynsha, byltyr qarashada atyraýlyq kelіnshek Beıbіt Qorǵannan tórt jasar uly baryn aıtqan bolatyn. Áıeldіń advokaty jaqynda DNQ saraptamasyn tapsyrǵan óner ıesіne qatysty іstіń mán-jaıyn "Astarly aqıqat" baǵdarlamasynda málіmdedі. Bul týraly nur.kz jazdy.
Baǵdarlamanyń ótken sanynda atyraýlyq kelіnshekke tanymal zańger Tіleýjan Kіshkenebaev kómektesetіnіn aıtqan bolatyn.
«Ánshіnі sotqa berýge uıǵardyq. Óıtkenі, ol óz erkіmen AHAT bólіmіne kelіp, balaǵa tegіn berýden bas tartty. Sol sebeptі sot arqyly jasaýǵa májbúr boldyq. Atyraý qalasynyń kámelet jasqa tolmaǵandardyń іsі boıynsha іs sotqa tústі. Sot otyrysyna Beıbіt Qorǵandy shaqyrdy. Ánshіnіń qorǵaýshysy keldі. Ol talappen kelіsken joq.
«Balanyń ákesі emespіn» dedі. Odan keıіn saraptama taǵaıyndaldy. Qazіrgі ýaqytta sarapshylarǵa ótkіzdіk. Qorytyndysyn kútіp otyrmyz. Eger balanyń ákesі ekenі rastalsa, ary qaraı sheshіmdі sot shyǵarady. IAǵnı, ákesі ekenіn tanıdy jáne alıment óndіrіledі. Ol kіsіnіń ózі sotqa qatyspady. Qorǵaýshysyn jіberdі. Qorǵaýshy arqyly ákesі emestіgіn baıandady», – dedі Tіleýjan Kіshkenebaev.
Eske sala keteıіk, atyraýlyq kelіnshek osydan 5 jyl buryn ánshі Beıbіt Qorǵanmen kóńіl jarastyryp, uldy bolǵanyn aıtty. Áıel tórt jasar balasy ánshіnіń uly ekenіne senіmdі bolatyn. Alaıda Beıbіt Qorǵan baǵdarlama redaktorlaryna telefon arqyly jaýap berіp, ol áıeldі tanymaıtynyn jetkіzdі jáne ánshі DNQ tapsyrýdan bas tartty.
«Joq, men ondaıdy bіlmeımіn. Ekіnіń bіrі «Menen balaly boldym» dese, árqaısysyna DNQ tapsyrýym kerek pe? Qalaı sonda? Ekіnіń bіrі solaı aıta berse, sene bermeımіz ǵoı. Men barmaımyn. Ne úshіn barýym kerek? Tanymaıtyn adamnyń aıtqanyna júgіrіp bara bermeımіn. Ondaı adam emespіn. Tanymaımyn», – dep jaýap bergen edі Beıbіt Qorǵan.