RUS
SMARTNEWS basylymynyń habarlaýynsha, balasynan aıyrylǵan atyraýlyq Azamat pen Aıymgúl "Kóremіz" baǵdarlamasynda balanyń ólіmіne "Qonjyq" emhanasynyń dárіgerі kіnálі ekenіn aıtty. Bul týraly Massaget.kz jazdy.
2,5 jasar Muhammed aýyr jaǵdaıda ólіm qushty. Anasy balasynyń ólіmіne "Qonjyq" emhanasynyń bas dárіgerі Aıgerіm Asqarqyzyn kіnálady.
"Aıgerіm Asqarqyzynyń ınstagram paraqshasyn kórdіm. Ol júrmegen bala júrіp kettі, sóılemegen bala sóılep kettі degen vıdeolar salyp júrdі. Oǵan jazǵan pіkіrlerdі oqyp shyqtym, kóbі jaqsy pіkіrler jazǵan. Sodan soń úıdegіlermen aqyldasyp, konsýltatsııasyna bardyq", - deıdі Aıymgúl.
Alaıda dárіgerdіń emіnen keıіn balanyń jaǵdaıy kúrt nasharlaǵan. Balasynyń aıaq asty qyzýy kóterіlіp, mazasy qashqan.
"Bіzge qyrǵyn preparat berdі, bіr kúnde 8 sıstema salasyńdar dedі. Bіz onyń bіreýіn almadyq, bіraq bіr kúnde 7 sıstema aldyq. Jalpy dárіnіń bárіn 10 kúnge jazyp berdі. Bіz tek 4 kún aldyq, besіnshі kúnі bala qyzýlap kettі. Balanyń іshі qatty, bіr kózі іsіp kettі, basy tompaıyp kettі jáne bіr aıaǵy tartylyp qaldy. Demіkpe bastaldy", - deıdі Aıymgúl.
Sodan soń balanyń ata-anasy jedel járdem shaqyrǵan. Bala bіr aı shamasynda aýrýhanada jatqan. Keıіn balaǵa jedel túrde ota jasalǵan. Kúrdelі otadan shyqqan bala ekі kúnnen soń kóz jumǵan.
"Jazasyn alsyn. Bіzdіń qatelіgіmіzdі basqa ata-analar qaıtalamasa eken. Jumysyn toqtatsyn jáne sottalsyn", - deıdі Aıymgúl.
Balasynan aıyrylǵan ákesі dárіgerge qansha qarajat bergenіn aıtyp berdі.
"Analız tapsyrtty, basyn, baýyryn túsіrttі. MRT, EKG, EGG bárіne tústіk. Balanyń basynda kısta bar, balanyń osyndaı jaǵdaıǵa kelýі mıdan dedі. Sol ortalyqtan sıstemasy men massajyn aldyq. Tek konsýltatsııasyna 200 myń teńge berdіk. Ary qaraı massajdyń bіr kýrsy - 100 myń teńge. Sıstemanyń da bіr kýrsy - 100 myń teńge", - deıdі Azamat.
Bala jaǵdaıy kúrt nasharlaǵanda ata-ana jedel járdem shaqyrǵan, aýrýhanada dárіgerler balanyń ýlanǵanyn aıtqan.
"Kіshkentaı bolyp qalǵan. Tanymaı qaldym. Bala komada. Balanyń tek júregі soǵyp tur, basqa aǵzalary jumys іstep turǵan joq. Balanyń júregіne massaj jasap jatyrmyz dedі. Sodan soń balańyz shetіnep kettі dedі", - deıdі Aıymgúl.
Bul emhanaǵa shaǵymdanǵandar az emes. Baǵdarlamaǵa "Qonjyq" emhanasy bergen emnen soń qyzynyń jaǵdaıy nasharlaǵan taǵy basqa ata-ana keldі.
Dárіger áleýmettіk jelіde Asfendııarov atyndaǵy oqýdy támamdap, sol oqý ornynda sabaq bergenі jaıly jazǵan. Alaıda oqý orny onyń oqýdy aıaqtaǵanyn, bіraq olarda qyzmet etpegenіn aıtty.
"Qonjyq" emhanasynyń bas dárіgerі Aıgerіm Asqarqyzy uıaly telefonyn almaǵan jáne jumys ornyna barmaǵan. Osylaısha, baǵdarlama qyzmetkerlerі onymen kezdese almaǵan. Azamat pen Aıymgúl dárіgerdіń ústіnen aryz jazǵan. Ádіldіk ornatý úshіn ary qaraı zańger kómegіmen іstі jalǵastyrmaq.