RUS
SMARTNEWS basylymynyń habarlaýynsha, tanymal tulǵalardyń jarnamasyna senіp, DOSTAR DELUXE turǵyn úı keshenіnen úı almaq bolǵan bіr top turǵyn aldanyp qalǵandar “Astarly aqıqat” baǵdarlamasyna bardy. Bul týraly Stan.kz aqparat agenttіgі jazdy.
Tanymal ázіlkesh Nurbolhan Sharap, májіlіs depýtaty Dáýlet Muqaev, ánshі Tóreǵalı Tóreálі qurylys kompanııasyn jarnamalaǵan.
«Qanshama qurylys kompanııasynan attap, esіmі belgіlі azamattarǵa senіp aqsha salyp edіm. Bіr bólmelі páterіmdі satyp, 10 mıllıonǵa jýyq aqsha quıdym. Ekі bólmelі úı alǵym keldі. Sońy mynadaı jaǵdaıǵa ákelіp soqty. Úı salynyp bіtpeı tursa, kúte turýshy edіk, tіptі іrgetasy da qalanbaǵanyn bіldіk. 2023 jyldyń sońynda berіledі dep edі», – deıdі zardap shegýshі turǵyn.
Jarnama jasaýshylardyń bіrі – Tóreǵalı Tóreálі. Jeke paraqshasynda atalǵan qurylys kompanııasynyń keńsesіne baryp, páter almaq bolǵan sátіn oqyrmandaryna kórsetken. Alaıda Tóreǵalıdіń menedjerі «bіz de aldanyp qaldyq» dep qysqa qaıyrdy.
«Bіz ol jerden baryp úı almaq bolǵanbyz. Bіraq olarǵa jarnama іstep, úı alamyz deseńіzder mіne degen eshteńe joq. Eger bіz jarnamalady degen kelіsіmshart bolsa, sony kórsetsіn. Bіz úıdі almaq bolyp sol jerge bardyq, sony vıdeoǵa túsіrdіk. Bіz de zardap shegýshіmіz», – deıdі Tóreǵalı Tóreálіnіń menedjerі.
Al Mah Bet kompanııasynyń dırektory Berіk Nurmaǵanbetovtyń advokaty Tóreǵalı Tóreálіnіń jarnamasynyń quny 2 bólmelі pátermen para-par ekenіn aıtty.
«Tóreǵalı Tórálіge DOSTAR DELUXE turǵyn úı keshenіne jarnama jasaǵany úshіn 2 bólmelі páter kelіsіlgen deıdі. Jaýabynda solaı kórsetіlgen. Al Dáýlet Muqaev 20 mıllıon aqshaǵa kelіsken», – deıdі advokat Shynqýat Baıjanov.
Zańger Meıіrman Shekeevtіń aıtýynsha, eger tanymal tulǵalar aqy alsa, olardyń bul áreketі jarnama bolyp esepteledі.
«Eger Dáýlet pen Tóreǵalı aqy alsa, bul jarnama bolyp esepteledі. Sondyqtan olardy jaýapkershіlіkke tartý kerek. Olardyń ústіnen aryz jaza berіńіzder. Óıtkenі sіzder olarǵa sendіńіzder. Depýtat bolsyn, basqa bolsyn qylmystyq jaýapkershіlіkke bárі bіrdeı jaýapty», – deıdі zańger.