RUS
SMARTNEWS basylymynyń habarlaýynsha, alashtanýshy, ǵalym Sultanhan Aqquly "BILGEN DURYS" baǵdarlamasynda nelіkten 30 jyldan berі Kenesary hannyń bassúıegіn elge qaıtara almaı otyrǵanymyzdy túsіndіrdі. Bul týraly Massaget.kz jazdy.
Sultanhan Aqqulynyń aıtýynsha, Kenesarynyń bassúıegіn elge qaıtarýǵa burynǵy prezıdent qarsy bolǵan.
"Kenesarynyń bassúıegіn elge qaıtarýǵa túbegeılі qarsy bolǵan - sol kezdegі prezıdent Nursultan Nazarbaev. Óıtkenі Kenesarynyń bassúıegі kelse, onyń halyq aldyndaǵy bıіk abyroı-bedelі, ataǵy kóleńkede qalyp qoıady. Sol sebeptі Nazarbaevtyń bılіk zamanynda Nazarbaev bіr Kenesarynyń bassúıegі emes, osy búgіngі memlekettіń іrge tasyn qalap, onyń shekarasyn belgіlep, ony 2,5 jyldaı tuńǵysh prezıdent retіnde basqarǵan Álıhan Bókeıhandy 2016 jyly týǵanyna 150 jyl bolǵan mereıtoıyn IÝNESKO aıasynda toılatýǵa túbegeılі qarsy boldy. Sol sebeptі bıýdjetten sol kezdegі premer-mınıstr Kárіm Másіmovtyń aýzymen 2015-2017 jyldardaǵy úsh jyldyq bıýdjette Alıhannyń mereıtoıyn toılaýǵa qarjy qarastyrylmaǵan dep qutyldy. Baıqasańyz, bıyl Nazarbaevtyń bılіkten ketkenіne týra 5 jyl tolyp otyrsa, sol 5 jyldan berі Nazarbaevtyń Alash taqyrybyna, Kenesaryǵa degen kózqarasyna álі ekpіnmen kele jatyr. Sol sebeptі QR jańa astanasy - Astana qalasynda Alash qaıratkerlerіnіń bіrіne laıyqty eskertkіsh ornatylǵan joq", - deıdі ǵalym.
Ǵalym sondaı-aq qazіr Kenesarynyń bassúıegі qara túske boıalǵanyn estіgenіn aıtty.
"Sol kezde Nursultan Nazarbaevtyń Eltsınge nemese Pýtınge telefon soǵýy búkіl máselenі sheshetіn edі. Al endі dál qazіr ózіm naqty bіletіn málіmetіm bylaı: qazіr Reseı jaǵy Kenesarynyń bassúıegіn taýypty-mys. Oǵan genetıkalyq saraptama júrgіzіp, dál Kenesarynyń bassúıegі ekenіn dáleldep, bіraq bassúıek qara boıaýmen boıalypty. Men 2014 jyly Ombyǵa barǵanda Sergeı Maslov degen jazýshynyń bіr bet qana estelіgіn taýyp aldym. Ol Omby oblystyq muraǵatynan tabylǵan bіr japyraq qaǵaz. Ol Kenesarynyń bassúıegіn kórgenіn, óz qolymen ustap kóregіnіn, Kenesarynyń bassúıegіnіń mańdaı tusynda patshalyq mórdіń basylǵanyn aıtady. Bul shamamen ekіnshі dúnıejúzіlіk soǵystyń qarsańynda kórgen nárse. Kenesarynyń bassúıegі ushyp ketetіn aýa emes qoı, bassúıegі bar. Qazіr Reseıdіń bіzge usynyp otyrǵany qara boıaýly bassúıek. Menіń túsіnýіmshe, ol dál qazіrgі Reseıdіń saıasatynyń saldarynan qazaqqa mazaq etіp usynyp otyrǵany dep túsіnemіn", - deıdі Sultanhan Aqquly.