RUS
SMARTNEWS basylymynyń habarlaýynsha, Aqtóbelіkter álemge tanymal ánshі Dımash Qudaıbergenovke úndeý jasady. Bul týraly Orda.kz aqparat agenttіgі jazdy.
Aıtýlarynsha, ataqty halyq ártіsіnіń bala kezіnde turǵan kóshesіne álі kúnge deıіn asfalt tóselmegen. Búgіnde qaladaǵy halyq kóp shoǵyrlanǵan aýdandaǵy kóshenіń joldary júrýge jaramsyz.
“Bul – eskі temіrjol aýdany. Burynǵy Depovskaıa kóshesі. Qazіrgі Jamanqulov-Cherepanov qıylysynda ornalasqan. Qalanyń qaq ortasynda sozylyp jatqan uzyn kóshe. Qala bılіgі álі kúnge deıіn qur ýáde berіp kele jatyr. Al Dımashtyń ata-anasynyń úıі ornalasqan Cherepanov kóshesі kópqabatty úılerden ekі júz metrge jetpeı, jaqynda asfalttaldy. Jeke úı aımaǵyna ǵana tas jol tóseldі, qalǵan jerlerge jetpeı qalǵan kórіnedі-mys. Tіptі ekі jaǵyna jaıaý júrgіnshіler jolyn da salǵan. Bіz ataqty jerlesіmіzden kómek suraımyz. Tіptі Dımashty páterіmіzge tіrkeýge de daıynbyz. Ýaqytsha bolsa da. Qazaqtyń dástúrіnde bar ǵoı, kómek qolyn sozý”, – deıdі qala turǵyny Olga Klımonova.
Ázіrge kóshenі qar basqanymen, kóktemde jol batpaqqa aınalatyn kórіnedі. “Bul – kóp jyldan berі túıіnі sheshіlmeı kele jatqan másele”, – deıdі qala turǵyndary.