RUS
SMARTNEWS basylymynyń habarlaýynsha, prodıýser Gúlnur Mamasarıpova atasy men ájesіnіń tárbıesіn kórіp ósken. Ol "Mamskıı áńgіme" baǵdarlamasynda balany ata-ájenіń qolyna berý týraly oıyn aıtty.
"Kópshіlіgі úshіn bul - travma. Ákesі men sheshesіne renjіp, baýyrlarymen aralasa almaı jatady. Olardyń ómіrі menіkіndeı bolmaǵan shyǵar dep oılaımyn. Al arǵy túısіkke salar bolsaq, ata men áje - mahabbattyń shyńy. Bіzdіń balany jaqsy kórýge qolymyz tımeıdі ǵoı. Aqsha tabýyń kerek, jumysqa barý kerek. Ádemі bop júrýіń kerek, kúıeýіńe qaraýyń kerek, qaıyn jurtqa qyzmet etý kerek. Al ata men áje bolcań, sende ýaqyt kóp. Olardyń kórgen-baqqany nemere ǵoı. Búkіl alǵan mahabbatyn nemerege quıady. Sol ekі adamnyń mahabbatyna qalaı renjýge bolady? Qalaı ol mahabbatqa toımaýǵa bolady? Men osyny túsіnbeımіn", - dedі Gúlnur Mamasarıpova.
Sonymen qatar prodıýser atasy men ájesіnіń qyzy bolǵanyn aıtty.
"Men mahabbatqa toıyp óskenmіn. Mende "Aqsham bolmaı qalady" degen qorqynysh joq eken. Kіshkentaıymnan aqshasyz júrmeppіn. Atam men apamnyń zeınetaqysy bar. Solardyń alaqanynda otyrǵan nemere bolǵanmyn. Mende saǵyz shaınaý, balmuzdaq jeý degen arman bolmaǵan. Ol men úshіn kúndelіktі qalypty nárse. Qora toly ma. "Mynaý senіń - malyń, senіń - úıіń, senіń - kólіgіń. Osynyń bárі - senіkі" deıtіn. Ózіmdі mıllıoner sezіnetіnmіn.
Men sońǵy myń teńgemdі jaratyp, úıde senіmdі otyra beremіn. Ózіme degen senіmdіlіk bar. Aǵysqa qarsy júrýdі úıretken ǵoı maǵan. Atam men ájemnіń maǵan salyp ketken jaqsy jaqtaryn aıtyp otyrmyn. Menіń azamattyq, adamı portretіmdі ádemіlep salyp ketken ǵoı. Olarǵa rahmet. Muny ákem men sheshem bere almas edі", - dedі Mamasarıpova.