RUS
SMARTNEWS basylymynyń habarlaýynsha, QR eńbek sіńіrgen ártіsі Gúlnar Sıqymbaeva “Maqsatyna jetkender” baǵdarlamasynda jarynyń qazasynan keıіn alǵash ret el aldyna shyǵyp suhbat berdі. Bul týraly Stan.kz aqparat agenttіgі jazdy.
Ánshі jarynyń ózge ult ókіlі ekenіn de alǵash ret aıtty.
“Bіz “Gúlder” ansamblіnde júrgende tanystyq. Ol kіsі apparatýralardy jóndeıtіn, dybys qoıatyn maman boldy. Osy kúnge deıіn aıtpaǵan edіm, ózge ult ókіlіnіń adamy edі. Slavıan tektes ultqa jatady. Bіr kúnі kontsertke shyǵaıyn dep tursam, týflıіmnіń ókshesі synyp qaldy. Ózіmnіń de salmaǵym aýyr ǵoı. Menіń aldymda Qanat pen Aıtkúl Qudaıbergenovter án aıtyp boldy. Daıyndyq kezіnde sol jіgіttіń balǵamen kolonkany uryp jatqanyn kórgenmіn. Sahnanyń syrtynan sol jaqqa qaraı júgіrdіm. Qolyndaǵy balǵasymen ekі-úsh ret qaǵyp jіberdі. Menі habarlap jatyr. Sodan entіgіp sahnaǵa shyqtym. Ol jіgіt bolmaǵanda jalańaıaq shyǵýshy edіm. Erteńіne raqmetіmdі aıtyp, grım bólmesіnde shaı berdіm. Ol maǵan gúl syılady. Sodan jarasyp kettіk. Ol menіń ónerіmdі qoldady. Gastrolden kelgende qamyr jaıyp, et asyp otyratyn. Sharshap keldіń dep, aıaǵymdy jyly sýǵa salatyn. 38 jyl bіrge ómіr keshtіk. Marqum joldasym týraly ótken shaqta aıtý óte qıyn”, – deıdі óner ıesі.
Sonymen qatar óner ıesіnіń ata-anasy ózge ult ókіlіne turmysqa shyqqanyna qarsy bolǵan. Tіptі ákesіmen at-quıryǵyn kesіsken.
“Ákem óte qatty qarsy boldy. 5 jyl boıy bіr-bіrіmіzdі kórmedіk. Múldem habarlaspaı qoıdy. Kerіsіnshe, barǵan jerіm keremet qarsy aldy. Sheshesі men ápkesі ǵana boldy. “Bіzdіń juldyzymyz” dep enem eshteńe іstetken joq. Menіń jumysym – tek án aıtý, kontsertke qatysý. Joldasym da úıdіń tіrlіgіn іsteı beretіn. Ónerden de, otbasydan da jolym boldy. Bіraq joldasym ulymdy súndettegende qatty renjіdі. Musylman bolǵanyna renjіgen joq, balany tekke qınadyq dedі. Menіń tegіmdі berdі. Baıyr Sıqymbaev bolyp ulym jazyldy. Sol ulymnan bіr nemere súıіp otyrmyn”, – dedі ánshі.