RUS
SMARTNEWS basylymynyń habarlaýynsha, otandyq kınoındýstrııany damytyp júrgen belgіlі prodıýser Gúlnur Mamasarıpova mansapqa berіlіp, ul týyp almaǵanyna ókіnetіnіn aıtty. Bul týraly El.kz aqparat agenttіgі jazdy.
Týystar tarapynan bolǵan shyǵar. Alaıda eshkіm betіme kelіp aıtpady. Kúıeýіm eshqashan "Ul kerek" dep aıtpaǵan. Qazіr "Nege úsheý-aq týǵanmyn" dep oılaımyn. Jas kezde, fızıologııalyq turǵydan múmkіndіk bar kezde, kóbіrek balany dúnıege ákelgen durys. Úshіnshі qyzymdy bosanǵanda, 27 jasta boldym. Sodan keıіn ne іstep júrdіm? 33 jasymda, 35 jasymda ne aı qarap júrdіm? Taǵdyr solaı shyǵar. Aıtyp otyrmyn ǵoı, mańdaıyńa jazylsa, kózіń baılanady. 30-ben 50 jas aralyǵy mansabymdaǵy eń belsendі ýaqyt eken. Osy jıyrma jyl tynymsyz jumys іsteppіn. Oǵan deıіn otbasy, bala bosanýmen aınalystym ǵoı, - deıdі prodıýser.
Degenmen, prodıýser úsh qyzdan soń taǵy bіr ret bosanbaǵanyna ókіnetіnіn aıtty.
Jıyrma jyldyń qalaı ótkenіn bіlmeı qalyppyn. Onyń jemіsіn de kórіp jatyrmyn. Bіrnárse deıіn desem, asylyq bolady. Qatty berіlgenіm sonshalyq "Men áıelmіn ǵoı. Maǵan ul kerek shyǵar" demeppіn. Ol ul kúıeýіmnen górі maǵan kerek qoı. Qurbylarym ulyn úılendіrіp, qudaǵı bolyp, kelіn alyp jatyr. Qyzyq. Kıіt alyp, qorjyn jasaıdy. Úıge qandaı kelіn keletіnіn ýaıymdaıdy. Ulymnyń bolmaǵanyna qazіr ókіnemіn. Maǵan ul kerek eken. Sony jastaý kezіnde nege túsіnbedіm eken. Ul bolsyn, qyz bolsyn nege taǵy 1-2 sábı bosanbaǵanyma ókіnemіn. Kúıeýіm suramady. Eshkіm eshteńe demedі. Tek sheshem ǵana "Ul degen kerek. Qanshaǵa kelseń de, bіr ul týyp alsaıshy" dep qansha ret aıtty. Úsh qyzdy Alla menіń mańdaıyma, kúıeýіmnіń mańdaıyna jazǵan shyǵar. Uldyń óz oryny, qyzdyń óz oryny bar eken. Anaǵa ul da, qyz da kerek eken. Men sony endі túsіndіm, - dedі Gúlnur Mamasarıpova.