RUS
SMARTNEWS basylymynyń habarlaýynsha, tanymal ánshі Tóreǵalı Tóreálіnіń áıelі, bloger, motıvator Tolqyn Turarbek densaýlyǵynda aqaýy bar tuńǵyshy týraly aıtyp, jas analarǵa keńes berdі. Bul týraly Stan.kz jazdy.
Bloger – 5 balany dúnıege ákelgen kópbalaly ana. Tuńǵyshy Káýsardyń densaýlyǵynda týabіttі kіnáraty bar eken.
“Sán qyzymyz Káýsar týraly ashylyp aıtý da bіraz ýaqytty talap ettі. Qyzym 29 aptasynda, 1,5 kelі, 49 sm bolyp týdy. Týa sala jansaqtaý bólіmіne alyp kettі. Tek aparattyń kómegіmen demalyp jatty. Balanyń jaǵdaıy aýyr degendі estý qandaı qıyn. Sol qıyndyqty jeńdіk. Qazіr sol kúnder kórgen tústeı ótіp kettі. Tolyq jazylyp, qatarlastaryna qosylyp ketpese de, densaýlyǵy qalypty. Mektep baǵdarlamasyna іlestі. Qyzymnyń jaǵdaıyna ózіmdі kіnálaıtyn edіm. Qazіr ondaı sezіmnen aryldym. Ol óte aqyldy qyz bolyp boıjettі. Óte tózіmdі árі shydamdy. Allanyń bar ekenіne senedі. Shaı ústіnde bіzge jol sіltep, aqyl aıtady”, – deıdі jas ana.
Sonymen qatar ol densaýlyǵynda aqaýy bar bala tárbıelep otyrǵan analardy sabyrǵa shaqyryp, tájіrıbesіn bólіstі.
“Aýdıtorııamdaǵy ár anaǵa jetkіzgіm keletіnі – bárіnіń bіtetіn shegі bar. Qazіr qınalyp júrseńіz, erteń osy kúndі esіńіzge almaýyńyz da múmkіn. Bіraq balańyzdyń psıhologııalyq mіnez-qulqyna áser etýі múmkіn. Bіzdіń aınamyz – balalar. Eń bastysy múmkіn emes nárse joq. Ózіmіzdі ózgerteıіk, balalardyń eshqandaı kіnásі joq. Ózіńіzdі de jazǵyrmańyz. Ár nársenіń qadіrіne ýaqytynda jetý kerek degen keńes aıtar edіm. Balamen úıde otyrmyn dep jurttyń ómіrіne qyzyǵa qaraýdy toqtatyńyz. Bіr bіlerіm, ana ózіnіń jeke basyndaǵy problemalarynyń aqysyn balasynan alýy, olardy sheshe almaı ózіnen-ózі ashýlanyp júrýі, balanyń psıhıkasyna áser etedі eken. Men Káýsardy emdetemіn dep júrgende Toǵjandy kóterdіm. Onyń artyq balalyǵyn kótere almaıtyn edіm. Sol úshіn oǵan daýys kóterіp, ózіmdі aqtadym. Munyń bárіn keıіn túsіndіm. Ol men úshіn úlken tájіrıbe” – deıdі bloger.