RUS
SMARTNEWS basylymynyń habarlaýynsha, 2023 jyldyń qańtarynan bastap azaptaý týraly qylmystyq іsterdі tergep-tekserýge prokýratýra organdary aıryqsha nazar aýdarady. Bul týraly El.kz jazdy.
Qylmystyq qýdalaý organdary qyzmetkerlerіnіń tarapynan azaptaýǵa jol bermeý maqsatynda prokýrorlar táýlіk boıy aqparattyq saıttardy baqylaıdy, ýaqytsha ustaý ızolıatoryn jáne quqyq qorǵaý organdarynyń qyzmettіk ǵımarattaryn tekseredі.
Beınebaqylaýdyń jaı-kúıіne, onyń jumysqa jaramdylyǵy men beıne jazbalardyń saqtalýyna, sondaı-aq ǵımarattardaǵy «soqyr aımaqtardy» joıýǵa erekshe nazar aýdarylady.
Qylmys jasaǵanyn moıyndatý maqsatynda azaptaý, ıaǵnı QK-tіń 146-babynyń 3-bólіgі 1-tarmaǵynda (azaptaýlar, ıaǵnı laýazymdy adamnyń tán zardabyn jáne (nemese) psıhıkalyq zardapty qasaqana keltіrýі) kózdelgen qylmystyq quqyq buzýshylyq jasady degen kúdіkpen Semeı qalasy Ortalyq polıtsııa bólіm qyzmetkerіnіń ustalýy onyń jarqyn mysaly bolyp tabylady.
26 qańtarda Abaı oblysynyń prokýratýrasy QPK-tіń 128-babyna sáıkes kúdіktіnі Semeı qalasynyń PB ýaqytsha ustaý ızolıatoryna qamady.
Oblystyń mamandandyrylǵan tergeý soty kúdіktіge qatysty 2 aı merzіmge kúzetpen ustaý túrіndegі bultartpaý sharasyn sanktsııalady.
Qazіrgі ýaqytta sotqa deıіngі tergeý amaldary jalǵasýda.
QPK-tіń 201-babynyń 1-bólіgіne sáıkes basqa aqparat jarııa etýge jatpaıdy.