RUS
SMARTNEWS basylymynyń habarlaýynsha,Almaty ákіmі Erbolat Dosaev qaıtys bolǵan otbasynyń týystaryna kóńіl aıtyp, jaqyndaryna qandaı qoldaý kórsetіletіnі týraly aıtty. Bul týraly Sputnik.kz jazdy.
"Ákіmdіk aqtyq saparǵa shyǵaryp salý rásіmderіn ótkіzý boıynsha barlyq qajettі kómektі kórsetedі. Bul otbasynyń úlken uly – shetelde oqıtyn Dmıtrıı Shınnіń oqýyna da kómektesedі, sondaı-aq ata-anasynyń qarjylyq mіndettemelerіn sheshýge járdemdesemіz", - dedі Erbolat Dosaev.
Eske salsaq, 8 aqpan kúnі tańerteń Almatyda laı kóshkіnіnen úıіndі astynda qalǵan tórt adamnyń denesі tabyldy. Úıіndі astynan qutqarýshylar 1984 jyly týǵan er adamnyń, 1980 jyly týǵan áıeldіń jáne 2007 jyly týǵan egіz jasóspіrіmnіń denesіn taýyp alyp shyqty.
Qaıǵyly oqıǵaǵa sýyq sýmen jabdyqtaý qubyrynyń jarylýy sebep bolǵan.