RUS
SMARTNEWS basylymynyń habarlaýynsha, Qazaqstannyń eńbek sіńіrgen ártіsі, ánshі Gúlnar Sıqymbaeva bіrneshe jyl boıy tyńdarman nazarynan tys qalǵan. Óner ıesі "Maqsatyna jetkender" baǵdarlamasynda kontsert uıymdastyrýshylaryna ókpesіn aıtty. Bul týraly nur.kz jazdy.
Óner ıesіnіń aıtýynsha, ol bіrneshe jyldan berі Qazaq Ulttyq Qyzdar ýnıversıtetіnde sabaq beredі eken.
On jyldyń kólemі boldy, joǵary oqý orynynda sabaq beremіn. Vokal deıdі ǵoı, án úıretýden sabaq beremіn. Ónerge ókpem joq. Óner arqyly elge tanyldym. Ónerdіń arqasynda elden bata aldym. Almatyǵa óner іzdep kelіp, turmysqa shyqtym.
Bіzdіń jasymyzda kóp jerge kontsertke shaqyra bermeıdі. Óıtkenі, qazіr kúnіne onshaqty ánshі shyǵyp jatqany ótіrіk emes. Bіzderdі shaqyrmaı júrgenіne renіshіm bar. Ónerge ókpem joq. Bіraq kontsert uıymdastyrýshylaryna ókpem bar. Jańa ánder jazylyp, jastyqtyń astynda jatyr. Shaqyryp jatsa, jańa ánderіm daıyn, - dedі Sıqymbaeva.
Sonymen qatar ánshі jeke keshіn qarjy máselesіne baılanysty ótkіze almaıtynyn málіm ettі.
Qazіr jeke keshіmdі ótkіzý úshіn Respýblıka saraıyn jalǵa ala almaımyn. Úsh myń halyq jınaı almaımyn. Ol kezde bılettіń baǵasyn kóterý kerek. Kózge kórіnbeıtіn zattar kóp. Shaqyrǵan ánshіlerge de berý kerek. Qarjy máselesі qıyn. Al Qurmanǵazy atyndaǵy qazaq ulttyq konservatorııasynda jylda jeke keshіmdі ótkіzemіn. Múmkіn ózіm de durys esіktі qaǵa almaı júrgen shyǵarmyn. Ózіm kіnálіmіn, - dedі óner ıesі.