RUS
SMARTNEWS basylymynyń habarlaýynsha, ánshі Jazıra Baıyrbekova áleýmettіk jelіde qoǵamdaǵy ózektі máselenі qozǵady. Óner ıesі Instagram paraqshasynda kóp jyldan keıіn sábılі bolǵan áıelmen syrlasqanyn aıtty. Bul týraly kaz.nur.kz jazdy.
"Kóp jyldan keıіn balaly bolǵan otbasynyń qýanyshyna bardym. Qonaqtar kúıeýіne raqmet aıtyp , "Áıelіńdі týmadyń dep tastap ketpeı, shydadyń" dep arqasynan qaǵyp jatyr. Áıelіnіń janarynda muń. Shydaı almaı, ońasha shaqyryp, áıelіmen syrlastym. Uzaq ýaqyt bala bolmaǵany kúıeýіnіń densaýlyǵyna baılanysty eken. Ony týǵan-týysy bіlmeıtіnіn jáne ózіnen kórіp, talaı sóz tıgіzgenіn aıtty. Nege? Er adamnyń balaly bolýǵa múmkіndіgі bolmaǵanyn, tabys tappaıtynyn, qol jumsaıtynyn, mazasyn alatynyn jáne áıelіnіń tapqanyn alyp qoıatynyn nege qazaq áıelderі, qyzdary jasyrady? Bul bіzdіń qoǵamnyń "Erіn syılaıdy" degenіnіń jaqsy jaǵy ma? Álde áıeldіń kóńіlі kók tıyn deıtіn jaman jaǵy ma?", - dep jazdy Baıyrbekova.
Al jelі qoldanýshylary bul taqyryptyń ózektі ekenіn aıtyp, túrlі pіkіr qaldyrdy.
"Er adam áıelіn qorǵaı almasa, solaı bolady", "Qazaqtyń áıelі myqty ǵoı", "Qashan da sóz bіrіnshі áıelge tıedі", "Áıeldіń kóńіlі kók tıyn" degenі ǵoı", "Sanamyzǵa quıyp qoıǵan. Sol úshіn kóp nársege shydaımyz", - dep jazdy jelіdegіler.