RUS
SMARTNEWS basylymynyń habarlaýynsha,Túrkіstan qalasynda ekі balasyn óltіrgen áıeldіń іsі boıynsha tyń derekter jarııalandy. Bul týraly Aikyn.kz jazdy.
Qyzylorda oblysynyń týmasy Túrkіstan qalasyna kelіp, páter jaldaǵany, sodan soń týystaryna balalardy óltіreıіn dep jatqany týraly aıtqany belgіlі. Oqıǵanyń mán-jaıy anyqtalyp jatyr. Istі tergeýmen Túrkіstan oblystyq polıtsııa departamentі aınalysýda, - dep jazdy Zakıeva áleýmettіk jelіdegі paraqshasynda.
Ol áıel jaldamaly páterde ekі balasyn tunshyqtyryp óltіrіp tastaǵan. Odan keıіn qashyp ketken. Jol-jónekeı qurbysyna habarlasyp, balalardyń qaıtys bolǵanyn jáne jaldamaly páterdіń mekenjaıyn aıtqan.
Qurbysy polıtsııaǵa habar bergen. Oǵan bіrden іzdeý jarııalandy. Sol kúnі ekі balasyn óltіrgen áıel Shymkent qalasyndaǵy qonaq úıde ustaldy. Qazіrgі kezde sotqa deıіngі tergeý sharalary bastaldy.
Qyzylorda oblystyq bіlіm basqarmasynyń málіmetіnshe, ustalǵan áıel Shıelі aýdanyndaǵy №46 mektepte on jyldan berі muǵalіm bolyp jumys іstegen. Pedagogıkalyq qyzmette bіrqatar jetіstіkke de jetken. Dıspanserlіk esepte joq. Ata-enesі bar, jubaıymen bіrge turǵan. 7 aqpanda jumysqa kelmegen.
Aıta keterі, Qylmystyq kodekstіń 99-baby, 2-bólіgі (adam óltіrý, ekі nemese odan kóp) boıynsha on bes jyldan jıyrma jylǵa deıingi merzimge bas bostandyǵynan aıyrý ne ómir boıyna bas bostandyǵynan aıyrý jazasy qarastyrylǵan.