RUS
SMARTNEWS basylymynyń habarlaýynsha, Almatyda er adam Tele2 baılanys ortalyǵyna qońyraý shalyp, qyzmetkerler otyrǵan ǵımaratty jaryp jіberetіnіn aıtqan. Bul týraly Almaty qalalyq polıtsııa departamentі málіmdedі.
8 aqpan kúnі Almaty qalalyq polıtsııa departamentіne Tele2 baılanys ortalyǵynyń qyzmetkerі shaǵymdanǵan.
Jedel іzdestіrý sharalary barysynda Almatydaǵy “Stroı Sıtı" bazarynda júk tıeýshі bolyp jumys іsteıtіn 1988 jyly týǵan Túrkіstan oblysynyń týmasy ustaldy.
“Jumysqa kelgen er adam telefonynda ınternet baılanysy joq ekenіn baıqaǵan. Ol uıaly telefonynan Tele 2 baılanys ortalyǵyna qońyraý shalyp, baılanys sapasynyń nasharlyǵyna shaǵymdanǵan. Operator qyz "abonentke" tarıftі qaıta qosyp, 4000 teńge kólemіnde tólem jasaý kerektіgіn aıtqan. Er adam emotsııaǵa berіlіp, ádepsіz sózderdі qoldana bastaǵan jáne bunyń aýyr zardaptarǵa ákeletіnіn aıtyp qorqytqan”, – delіngen terrorızmge qarsy ortalyqtyń habarlamasynda.