RUS
SMARTNEWS basylymynyń habarlaýynsha, ánshі, jaqynda kınoóndіrіstі qolǵa alǵan Baǵlan Ábdіraıymov ákesі týraly jazba qaldyrdy.
"Byltyr 25 qańtar kúnі Almaty qalasynda "Zero" fılmіmіzdіń tusaýkeserіn jasadyq. Baıqasańyz ákem marqum qasqaıyp tur ǵoı. Bul menіń ata-anama, dostaryma, oqyrmanym men tyńdarmanyma "kazınodan kınoǵa ótýge bolady, adam ózgere alady" dep ózіmdі dáleldegen kezіm edі. Joq, ózіme-ózіmdі dáleldegen sát degen durys shyǵar, ıá?! Aǵymnan jarylyp, qatemdі moıyndap, talaı suhbat berdіm. Ishtegі qoqysty syrtqa shyǵarý arqyly іshkі álemіmdі tazalap aldym. Sol tazalyqpen kіtap jazyldy. Artynan kıno túsіrіldі", - delіngen jazbada.
Óner ıesі bul – ózі úshіn umytylmas sát ekenіn aıtady. Sodan berі kıno álemіnde júrgenіn de málіmdedі.
"Izіn sýytpaı "Basqa varıant joq" kınosy shyqty. Ókіnіshke qaraı, sátsіz joba boldy. Dereý es jıyp, qatemdі eskerіp, qoǵamǵa taǵy aıtary bar "Zero 2" kınosyn túsіrdіk. Qudaı qalasa, sáýіr aıynda kórermenge jol tartady. Bul týyndynyń tusaýkeserіne ákem ǵana kelmeıdі. Arqamnan qaǵyp, "Jaraısyń, Baha!" demeıdі. Elge paıdaly, kóńіlge qonymdy, yqylasqa bólense, ákemnіń atyna kіr kelmese, bul da bіr salıhaly urpaqtyń áreketі dep bіlemіn", - dep jazdy ánshі Instagram paraqshasynda.