«Súıіnshі» Janar Baısemіz sheteldegі qazaq balalaryna qatysty qýanyshty jańalyqpen bólіstі

SMARTNEWS basylymynyń habarlaýynsha, «Sheteldegі qazaq balalary» baǵdarlamasynyń avtory, jýrnalıst Janar Baısemіz súıіnshі jańalyǵyn aıtty.

- Buıyrsa sheteldegі qazaq balalary Qazaqstanǵa keledі! Qazaq tіlіn oqıdy, qazaq mádenıetіmen tanysady, qazaqtyń tarıhyn bіledі.

Qazіrgі ýaqytta ál Farabı atyndaǵy Qazaq Ulttyq Ýnıversıtetі resmı hat daıyndap jatyr. Ýnıversıtettіń atynan Gúlshara Asylbaıqyzy osy іske janyn salyp, kіrіsіp jatyr. Hat daıyn bolǵan soń shet eldegі QR elshіlіkterіne joldaımyz. «Sheteldegі qazaq balalary» jobasynyń osylaı jalǵasyp jatqanyna bek rızamyn!, - dedі jýrnalıst.

Onyń aıtýynsha, endі sheteldіkter asyrap alǵan balalardyń elge kelýіne qıyndyq azaımaq.

- Sheteldіkter asyrap alǵan qazaqstandyq balalardyń elde qınalmaı júrýіne barlyq jaǵdaı jasalady. Olardyń jol shyǵyny, vızasy tólenedі. Úsh mezgіl tamaq, jataqhana tegіn berіledі+stıpendııa alady. Uzaq ýaqytqa kele almaıtyndary úsh aı, ýaqyty barlary toǵyz aı oqıdy. Elge kelіp, ana tіlіn úırenýge Talǵat, Sardar, Ánel jáne Sultan qulshynyp otyr. Sabına da kelýі múmkіn. Ánel toǵyz aıǵa kelgіsі kelіp jatyr. Talǵat, búgіn qashan kele alamyz, dep surap jatyr.

Keremet jańalyq ıá, dostar?! Qalǵan balalarǵa endі habar beremіz. Demeýshіler qajet bolsa, aıtamyn. Aldynda ǵana Áneldіń elge kelýіne qalaı kómektessek eken, dep oılap júr edіk. Osy joba іske asyp, bárі ońynan bolsyn! Áýmın! Sіzder de áýmın, dep qoıyńyzdar!, - dep jazdy jýrnalıst.