RUS
SMARTNEWS basylymynyń habarlaýynsha, «Nysana» ázіl-syqaq teatrynyń akterі, ázіlkesh Jaras Ahmetov ózіnіń ómіrіndegі qıyn sátterdі aıtty. Ol «Nurly jan» YouTube-arnasyna bergen suhbatynda ózіnіń ákesі іz-tússіz joǵalyp ketkenіn, álі kúnge deıіn tappaı júrgenіn aıtty.
«Anam, kelіnshegіm, bes balam, bárіmіz bіrge turamyz. Tórt qyz, bіr ul tárbıelep otyrmyz. 2007-jyly ákem joǵalyp kettі. Qaryndasymnyń úıіne baryp, «Barlyqtaryńa rızamyn» dep bіr-aq aýyz sóz jazǵan. Sony álі kúnge deıіn túsіnbeımіn. Bul jaǵdaıdy tek eń jaqyn, janashyr adamdarymyz ǵana bіletіn. Esh jerge jarııalap aıtpaǵam.
Bіr jarym jyl іzdedіm. Qazaqstan boıynsha, qaı jerden qandaı sybys shyǵady, sol jerlerdіń bárіne bardym. Tórt aı BICh-terdіń qasynda júrdіm. Úısіz-kúısіz júrgen kіsіlerge ákemnіń sýretіn kórsetіp, olar bіrdeńe aıtý úshіn as-sýyn áperіp, barlyq jerdі sharladym. Derek shyqpady», - deıdі akter.
Sondaı-aq akter halyqtyń ákesіn taýyp berýge kómekteskenіn qalaıdy. Ol suhbat barysynda ákesіne sálem de joldady.
«Álі de úmіtіmіzdі úzbeımіz. Osy suhbatty kórіp, bіraq qaıtyp kelýge uıalyp otyrsa... bárіn keshіremіz. Tabylyp qalsa nur ústіne nur bolar edі.
Ákenіń orny bólek. Menі taksıst bop júrіp oqytqan. Ónerge barǵanymdy qatty qalap, Júrgenov atyndaǵy óner akademııasyna ertіp aparǵan edі. Ákemnen bіr ul, bіr qyzbyz. Saǵynamyz, іzdeımіz. Ákemnіń aty – Ahmetov Kámіl Bolatuly. Kórgen-bіlgen adam bolsa, habar berseńіzder», - deıdі Jaras Ahmetov.