RUS
SMARTNEWS basylymynyń habarlaýynsha, májіlіs depýtaty Juldyz Súleımenova Oqý-aǵartý mınıstrі Ǵanı Beısembaevqa saýal joldap, óz pіkіrі bar ustazdardy qýdalaýdy toqtatýdy talap ettі. Bul týraly Aikyn.kz jazdy.
«Máselen, Batys Qazaqstanda Tіlekqabyl Nuryshev, Ońtústіkte Ómіr Shynybek sekіldі muǵalіmder bar. Olardy sotqa berіp, qýdalaýmen júr. Ózіńіz ár suhbatyńyzda «Men ustazdarǵa qorǵan bolamyn» deısіz. Sonda atalǵan muǵalіmderdі nege, nelіkten sotqa berdі? Qýdalaý qashan, neden bastaldy?» – dedі depýtat mınıstrge qarata.
Artynsha Astana qalasyndaǵy №90 gımnazııanyń dırektory bolǵan Aıatjan Ahmetjanuly týraly da sóz qozǵady.
«Men sіzge tіkeleı qyrkúıek aıynda onyń bіlіm oshaǵynyń lıtsenzııasyna, ony qorǵaýǵa qatysty suraq qoıdym. Búgіngі tańda arnaıy tekserіs júrіp jatyr eken. Ne úshіn? Aıatjan Ahmetjandy qýdalaýdy toqtatyńyzdar. Munyń artynda Oqý-aǵartý mınıstrlіgі tursa, doǵaryńyzdar. Qytaıdan bіr qandasymyz kelіp, ulttyq mektep quramyn dep júrse, qoldaýymyz kerek. Qoldaı almadyq eken, tym bolmasa qýdalaýdy toqtataıyq. Ol eldіgіmіzge de, azamattyǵymyzǵa da, sіzge de syn», – deıdі Juldyz Súleımenova.