RUS
SMARTNEWS basylymynyń habarlaýynsha,áleýmettіk jelіde mańǵystaýlyq ájenіń hırýrg-dárіger Qurman Qaıranovqa alǵys aıtqan beınerolıgі tarap, jelі qoldanýshylarynyń júregіn tebіrenttі. Bul týraly mangystaumedia.kz jazdy.
Qoǵamdyq kommýnıkatsııa ortalyǵynyń deregіnshe, Instagram jelіsіnde 250 myńnan astam qaralym jınaǵan beınejazba qoldanýshylardyń qyzý talqysyna tústі.
Vıdeonyń basty keıіpkerі Jazyq Sarykýlova nemeresіnіń tusaýkeser toıynda dárіgerge alǵysyn aıtyp, aǵynan jaryldy. Aqtaýlyq hırýrg-dárіger Qurman Qaıranov sábıge týa sala kúrdelі otany sáttі jasap, anasynyń da ómіrіn saqtaýǵa kómektesken.
- Nárestenіń densaýlyǵyndaǵy aqaý ana qursaǵynda jatqanda anyqtaldy. Bala jaryq dúnıege kelgen boıda úsh saǵattyq operatsııa jasaý kerek boldy. Árıne ońaı bolǵan joq. Men qazіr eń qıyn sáttіń artta qalǵanyna qýanyshtymyn, - dedі Qurman Qaıranov.
Aýyr otadan keıіn bala bіr aı boıy jansaqtaý bólіmіnde bolǵan. Aq halatty abzal janǵa alǵysyn bіldіrgіsі kelgen nárestenіń týystary dárіgerdі arnaıy tusaýkeser rásіmіne shaqyrǵan.
- Bіz Qurmandy maqtanysh tutamyz. Ol Mańǵystaý oblysy boıynsha asa tájіrıbelі dárіgerlerdіń bіrі. Osyndaı bіlіktі mamandarmen maqtanamyz. Dárіgerlerge basymyzdy ıemіz, - dedі Jazyq Sarykýlova.
Qurman Qaıranov Mańǵystaý oblystyq kópbeıіndі balalar aýrýhanasynda 25 jyldan astam, al oblystyq perınataldyq ortalyqta 12 jyl jumys іsteıdі. El yqylasyna bólengen, halyq alǵysyn arqalaǵan hırýrgtіń aıtýynsha dárіger bolý úlken jaýapkershіlіktі júkteıdі. Ol uzaq jyldar boıy Reseı, Izraıl elderіnde kásіbı bіlіmі men bіlіktіlіgіn udaıy jetіldіrіp, tájіrıbesіn tolyqtyrǵan.
- Adam aldymen óz mamandyǵyna berіk jáne adal bolýy tıіs. Bala densaýlyǵy asa kúrdelі sala. Sondyqtan árbіr otany jasaý bul komandalyq jumystyń nátıjesі. Hırýrg, anestezıolog, neonatolog, reanımatolog, orta jáne kіshі medıtsına qyzmetkerlerіnіń tyǵyz áreket etýіnіń arqasynda ǵana kez kelgen operatsııa sáttі ótýі múmkіn, - deıdі Qurman Qaıranov.