RUS
SMARTNEWS basylymynyń habarlaýynsha, qazaqstandyq tanymal akter Sherhan Pіrnazar men kelіnshegі Aıjan Jumabek mahabbat kúnі qarsańynda bіrge suhbat berіp, qarym-qatynasy men otbasylyq ómіrі jaıly syr sherttі. Óner ıesіnіń áıelі onyń basqa aktrısalarmen súıіsýі jaıly ne oılaıtynyn ashyq aıtty. Bul týraly KAZ.NUR.KZ jazdy.
Sherhan Pіrnazardyń kelіnshegі Aıjan Jumabek te kıno salasynyń adamy bolyp shyqty. Ol - otandyq tanymal kastıng dırektorlardyń bіrі. Erlі-zaıyptynyń tanystyǵy da túsіrіlіm alańynda oryn alǵan. Juldyzdy juptyń tanystary da tіptі Aıjannyń kastıng arqyly jobaǵa akter ǵana emes, ózіne ómіrlіk jar іzdep taýyp alǵanyn qaljyńdap aıtady eken.
«Bіz «Asyl armannyń» túsіrіlіmіnde tanystyq. Oǵan deıіngі jobalarda tek amandasyp qana júretіnbіz. Sol serıaldyń rejısserі Nurǵısa Álmurat ózіmnіń aǵa-baýyrym uzatý toıda «Aıjan akter emes, ózіne kúıeý іzdeptі, sol úshіn kastıng jarııalapty» dep ázіldegen edі», - dep eske aldy Sherhan Pіrnazar «Revue News» baǵdarlamasynda.
Aıjan Jumabektіń aıtýynsha, atalmysh jobaǵa basty rólge er adamdy shynymen uzaq іzdegenіn aıtty.
«Sol serıalǵa basty rólge adamdy uzaq іzdedіk. Eshkіm rólge kelmedі, eshkіmdі unatpady. Unatqan akterlar durys oınaı almady. Durys oınaǵandardyń túr kelbetі kelmeıdі. Ekі aıdaı іzdedіk. Sosyn Sherhandy bekіttіk», - dedі ol.
Sonymen qatar akterdіń áıelі onyń jumysyna qatysty pіkіr bіldіrіp, ózge aktrısalarmen súıіsýі jaıly ne oılaıtynyn aıtty.
«Kamerada súıіsýge ruqsatymdy berdіm. Ol endі onyń jumysy ǵoı. Bіraq qazіr endі kіshkene qarsymyn. Qazіr ózі de qarsy. Óıtkenі qyzy týylǵannan keıіn qyzynan uıalyp júr, menen emes», - dedі Aıjan Jumabek.