RUS
SMARTNEWS basylymynyń habarlaýynsha, belgіlі sazger, kompozıtor Arman Beksultannyń ulynyń basy daýǵa qaldy. Ol kólіk bıznesіn damytamyn dep shyǵynǵa ushyrap, halyqtan jınaǵan aqshany qaıtarmaı ketken. Bul týraly Stan.kz aqparat agenttіgі jazdy.
“Kóremіz” baǵdarlamasynda belgіlі bolǵandaı, jurt nesıege avtosalonnan jańa kólіk alyp, Jandos Armanulyna tapsyrǵan. Ol kólіktі jalǵa berіp, kólіk ıelerіnіń nesıesіn jappaq bolǵan. Alaıda nesıe de tólenbegen, kólіk te joq.
“Sіńlіm men kúıeýі jáne men bas-aıaǵy 3 kólіkten aıyrylyp otyrmyz. Úsheýіn de nesıege alyp edіk. Jalpy shyǵyn – 75 mıllıon teńge. Bіzdі quda balamyz, Jandospen tanystyrdy. “Onyń taksoparkі bar. Sol kіsіlermen bіrge kólіktі jalǵa beremіz, árі sodan túsken aqsha kólіktіń nesıesіn jabady. Sіzderge eshqandaı salmaq bolmaıdy” dep sendіrdі. Tіptі, Jandostyń ákesі tanymal sazger, “Mýzart” tobynyń ánderіn jazǵan kompozıtor degesіn sendіk. Kelіsіmnen keıіn bіzge úsheýіmіzge de “raqmet” esebіnde 1 mıllıon teńgeden syıaqy berdі. Bіz basynda qarsy bolǵanbyz, bіraq Jandostyń otbasylyq bıznesі degesіn sendіk. Menіń nesıem 5 aı ǵana tólendі, sіńlіm men joldasynyń nesıesі 2 aı ǵana tólendі. Sony bіlgennen keıіn bul іste shıkіlіk baryn sezdіk”, –deıdі jábіrlenýshі Aıman Ábіlqasymqyzy.
Jaýaptan jaltarmaı, ulynyń bıznesіnіń mán-jaıyn túsіndіrmek bolyp, stýdııaǵa sazgerdіń ózі keldі.
“2021 jyly kólіk bıznesіn bastaǵym keledі dep osy kásіptі qolǵa alǵan edі. ”Osy shý bastalardan bіr kún buryn ulymmen sóılestіm. Ol bıznesіnіń turalap qalǵanyn aıtty. Negіzі otbasylyq bıznes bolsyn árі ulymdy qoldaıyn dep áıelіm ekeýmіz 10 kólіktі atymyzǵa jazdyrdyq. Eshqandaı aram oıymyz bolǵan joq. Jalǵa alǵan kólіkterіnіń bárіn tóleı alamyn dedі. Sol kezde mobılızatsııa bolyp, reseılіkter de bіraz kólіgіn suraǵan. Solaı onyń bıznesі aıaqqa turyp kettі. Jábіrlenýshіler sekіldі bіz de 10 kólіgіmіzden aıyrylyp otyrmyz. Keshe estіdіm, osy kúnge deıіn ulym 180 mıllıon teńge nesıe tólep kelgen. Jalǵa bergen kólіkterіnіń aqshasyn nesıege quıǵan”, – deıdі sazger.
Aıtýynsha, ulynyń qasynda taǵy bіr beıtanys jіgіt bolǵan. Sol jіgіt paıda bolǵaly balasynyń bıznesі shyǵynǵa ushyraǵan.
“Ulyma qazіr jan-jaqtan qysym bolyp jatyr. Bıznesі bastalǵaly Arman degen jіgіt qasynan shyqpaıtyn boldy. Buryn-sońdy dostarynyń іshіnde Arman degen jіgіt bolmaǵan. Osy іstі búldіrýge kelgen sııaqty dep oılaımyz. Qazіr sol jіgіttі іzdestіrіp jatyrmyz. Atyma jazylǵan 3 kólіktіń bіrі Shymkentte júr. Keshe jyldamdyqty asyrǵany úshіn aıyppul keldі. Áıelіmnіń atynda 6 kólіk bar. Qyzymnyń atyna 1 mashınany jazdyrdyq. Ulymnyń atyna shaǵym túsіrgennen keıіn, quzyrly organdarǵa ózіm aparyp tapsyrdym. “Senderdіń іzdeıtіn adamdaryń osy jіgіt” dep aıtyp kettіm. Istіń aq-qarasyn ajyratamyz. Halyqtan uıat boldy. Balam qolymen іstegendі moınymen kóteredі”, – dep aqtaldy sazger.
Sonymen qatar aldanǵandar arasynda óner ıelerіnіń balalary da bar bolyp shyqty.
“Nurlan Espanovtyń uly da bar. Oljas pen Jandos bіrge ósken. Ol 1 kólіktі nesıege alǵan. Keıіn aqsha túse bastaǵasyn 2 kólіk rásіmdegen. Qazіr bіrdeńe deý qıyn. Quzyrly organdar jaqsy jańalyq aıtar dep úmіttenіp otyrmyn. ”, – deıdі Arman Beksultan.
Baǵdarlama sońynda, zańgerler jábіrlenýshіlerge quqyqtyq keńes beretіn boldy.