RUS
SMARTNEWS basylymynyń habarlaýynsha, Dýbaıda ótken báıgelerde top jarǵan qazaqstandyq sáıgúlіk Qabırhan týraly án jaryqqa shyqty. Bul týraly KAZ.NUR.KZ tіlshіsі habarlaıdy.
«Qabırhan júırіk» dep atalatyn týyndynyń sózіn aqyn árі sazger Medet Nurqalı jazǵan. Al áýenіn shyǵarǵan jáne ándі oryndaǵan – «Alashuly» tobynyń burynǵy múshesі Ázіmbek Baılın.
«Ekeýіmіz bіrge tańǵy saǵat 4-ke deıіn otyryp jazdyq. Bіrіnshі ánі, sodan keıіn sózі shyqty. Men negіzі buny bіr aptadaı tolǵatyp júrgem. Sosyn bіr kúnі keldі ǵoı», – dedі Ázіmbek Baılın.
Bul ánnіń shyǵýyna Qabırhannyń ıesі Tіlek Muhambetqalıevtyń joldastary sebep bolǵan kórіnedі.
«Qabırhan ekіnshі ret Dýbaıdan utyp kelgennen keıіn Tіlek myrzanyń joldastary maǵan habarlasty. Ol kіsіlerdі burynnan tanımyn. Menіń «Arǵymaq» degen ánіmdі unatqandaryn aıtyp, sondaı ándі Qabırhanǵa arnap shyǵarýdy usyndy. Men usynysty qabyl aldym. Osylaısha Tіlek myrzaǵa joldastary syılyq jasady», – dedі Ázіmbek Baılın.
Ánshіnіń aıtýynsha, týyndy Qabırhannyń ıesі Tіlek Muhambetqalıevke unady. Jaqyn arada án resmı túrde jelіlerge jarııalanbaq.
Ánnіń mátіnі:
Shabady tulpar, ushady suńqar, jebedeı ushqan alystan,
Jaly bar jіbek, jalyndap júrek jelmenen júıtkіp jarysqan.
Báıgeden qashpaı, tuıaǵy tastaı, shań qaptyratyn shabystan,
Kórgende topty, kózіde otty, tulpar emes bul arystan.
Qaıyrmasy:
Shabandoz shapqan, tіzgіnіn tartqan, báıgede baǵy synalǵan
Kabırhan júırіk, Qudaıdan syılyq, qazaqtyń atyn shyǵarǵan.
Soǵady qamshy, túskendeı tamshy dalaǵa tókken nóserdeı,
Arǵymaq - ańshy, jіgermen janshy, márenі qylmen keserdeı.
Týlatyp qanyn, beretіn janyn, taǵasy jerdі teserdeı,
Dodany kórse, erkіndіk berse tіzgіnіn tіstep shesherdeı.
Dombyranyń kúmbіrіmen,
Arǵymaqtyń dúbіrіmen.