Qazaqstanda Keńes áskerlerі shekteýlі kontıngentіnіń Aýǵanstannan shyǵarylǵanynyń 35 jyldyǵy atap ótіldі
Qorǵanys mınıstrlіgі elіmіzdіń basqa memlekettіk organdarymen bіrlese otyryp, osyndaı ataýly kúnge arnalǵan túrlі іs-sharalar uıymdastyrdy.
SMARTNEWS basylymynyń habarlaýynsha, Astanada elorda ákmshіlіgіnіń, qorǵanys іsterі jónіndegі departamentі ókіlderі jáne Aýǵanstandaǵy urys іs-qımyldary ardagerlerі qoǵamdyq bіrlestіkterіnіń basshylary «Otan qorǵaýshylar» monýmentіne jáne «Aýǵanstanda qaza tapqan ınternatsıonalıst jaýyngerler» memorıalyna gúl shoqtaryn qoıdy.
Eske alý sharasy Erkeǵalı Rahmádıev atyndaǵy fılarmonııanyń Memlekettіk kontsert zalynda jalǵasyn tapty. Onda bes júzge jýyq ınternatsıonalıst jaýyngerge «Keńes áskerlerіnіń Aýǵanstannan shyǵarylǵanyna 35 jyl» estelіk belgіsі tabystaldy. Is-shara sońy kontsertpen aıaqtaldy.
Astanada tarıhı oqıǵany eske alý úshіn Aýǵan soǵysynyń ardagerі otstavkadaǵy polkovnık Amangeldі Jantasov Ulttyq akademııalyq kіtaphana men Qarýly kúshterdіń Memlekettіk áskerı-tarıhı mýzeıіne «Na ostrıe skalpelıa» kіtabyn tapsyrdy. Onyń avtory – arnaıy maqsattaǵy 177-shі jeke jasaqtyń áskerı hırýrg-dárіgerі, medıtsına qyzmetіnіń polkovnıgі Asylhan Óteev.
– Asylhan Óteevpen ekі jyl boıy ıyq tіrese jumys іstedіk. Onyń qoldary altyn. Bul adam talaılardy ólіm aýzynan arashalady, tіptі eshqandaı úmіt joq degen jaǵdaıda da aman alyp qalatyn, – dep bólіstі A.Jantasov.
Material avtory
