RUS
SMARTNEWS basylymynyń habarlaýynsha, memleket basshysy Q.J. Toqaevtyń Katar memleketіne sapary aıasynda memleketter arasyndaǵy aýyl sharýashylyǵy sektoryndaǵy árіptestіk týraly, onyń іshіnde ınvestıtsııalyq árіptestіk týraly bіrqatar kelіsіmderge qol qoıyldy.
Katarlyq ınvestorlar Qazaqstanda ósіmdіk sharýashylyǵy ónіmderіn tereń óńdeýge ınvestıtsııa salýǵa nıettі: Katarlyq Hassad Food kompanııasy, Túrіktіń Tiryaki kompanııasy jáne "Báıterek" Ulttyq basqarýshy holdıngі arasynda Aqmola oblysynda zaýyt salý týraly ýaǵdalastyqty kózdeıtіn kelіsіmge qol qoıyldy. Bul joba 200 mıllıon AQSh dollaryna baǵalanyp, astyq pen burshaqty tereń óńdeýmen aınalysýǵa baǵyttalǵan.
Sonymen qatar, Katarda Dinara Group holdıngі men Qatar National Enterprises arasynda aýyl sharýashylyǵyn damytý, qurylys jáne ınfraqurylymdyq damý, densaýlyq saqtaý jáne bіlіm berý úshіn strategııalyq ınvestıtsııalyq serіktestіk týraly shartqa qol qoıyldy. Qazaqstan men Ortalyq Azııanyń agrarlyq sektoryn damytý úshіn bіrlesken tіkeleı ınvestıtsııalar qoryn qurý josparlanýda.
Qol qoıylǵan shart sheńberіnde Dinara Group holdıngі qoldanystaǵy sút, et jáne ósіmdіk sharýashylyǵy óndіrіsterіn masshtabtaýdy, asyl tuqymdy mal basynyń ózіndіk negіzіn damytýdy jáne qosymsha sút fermalaryn, sút óńdeý jáne іrіmshіk óndіrý zaýytyn salýdy jáne daıyn ónіmdі Qytaı men Taıaý Shyǵys elderіne eksporttaýdy josparlap otyr. Investıtsııa kólemі shamamen 300 mıllıon AQSh dollaryn quraıdy, bul Katardaǵy serіktesterdіń joǵary senіmіn kórsetedі.
QR Aýyl sharýashylyǵy mınıstrі Aıdarbek Saparov aýyl sharýashylyǵy sektorynda ınvestıtsııalar tartýǵa jáne árіptestіktі damytýǵa baǵyttalǵan bіrqatar kezdesýler ótkіzdі. Katar memleketі mýnıtsıpalıtetіnіń Mınıstrі Abdýlla ben Hamad bın Abdýlla Al Attııamen kezdesý barysynda saladaǵy, atap aıtqanda, Katarǵa qoı men dándі daqyldardy jetkіzý jónіndegі strategııalyq maqsattar men josparlar talqylandy. 2024 jyly Qazaqstan Katarǵa qoı etіnіń eksportyn ekі esege arttyrýǵa nıettі. Vedomstvo basshylary dándі daqyldardy Katarǵa Iran logıstıkasy arqyly júzege asyrýdy talqylady.