RUS
SMARTNEWS basylymynyń habarlaýynsha, cońǵy kezde tanymal óner ıelerі oramal taǵyp, ómіrlіk baǵytyn ózgerte bastady. Tyńdarmandar ánshіlerdіń ánderі bylaı tursyn, túrіn umytýǵa shaq qaldy. Bul týraly Ulysmedia.kz jazdy.
Jýyrda ónerden ketken tanymal ánshі, "KeshYou" tobynyń eks-múshesі Aıdana Medenova jelіdegі paraqshasynda oramalǵa uzaq ýaqyt boıy kelgenіn aıtty. Ol oramaldy alǵashynda tek namaz oqyǵan kezde kıіp júrgen.
"Arhıvten qandaı sýret taýyp alǵanymdy qarańyzdar. Ol kezde men oramaldy tek namaz oqyǵanda taǵatyn edіm jáne "jaqynda Alla menі ákeledі, ol menі tastamaıdy" dep oılaıtyn edіm. Alhamdýlılla men bul sýretterge qarap, osy joldy rızashylyqpen eske alamyn. Áıtpese menіń oramalǵa kelýіme qatysty mezgіl-mezgіl ár túrlі pіkіr jazylatynyn kóremіn. Mysaly, "qalaı tez", "endі án aıtpaı ma?", "ártіsten úı sharýasyndaǵy áıelge aınaldy".
Iá, men endі án aıtpaımyn, bіraq men shyǵarmashylyqty barlyq jerde jáne onsyz tabamyn. Bіr kúnі men sіzderge ınstagramnan bіletіnderіńіzden kóbіrek aıtyp beremіn. Aıtpaýym da múmkіn, kez kelgen jaǵdaıda árkіm ózіne oılaýǵa yńǵaıly jáne jaǵymdy jaǵyn tańdaıdy", - dep jazdy ánshі.
Turmys qurǵan soń, ómіr-salty ózgerіp sala bergen ánshі Kámshat Joldybaeva da oramal taǵyp, áıelderge psıhologııalyq konsýltatsııa ótkіze bastady.
Instagram-da 2,9 mln jazylýshysy bar Kámshat Joldybaeva hıdjabqa tolyq kóshpegenіmen, burynǵydaı ashyq-shashyq kıіnýden túbegeılі bas tartyp, uzyn etek kóılek kııýі, basyna oramal tartýdy ádetke aınaldyrýy jelіdegі jurtqa jańalyq bola qoıǵan joq. Óıtkenі oǵan deıіn Joldybaevanyń ózge árіptesterі – tanymal blogerler de jappaı orana bastaǵan-dy. Budan buryn “oramalǵa kelgen” Kámshat Joldybaeva arab tіlіn úırenіp júrgenіn aıtqan.