RUS
SMARTNEWS basylymynyń habarlaýynsha, Túrkіstan oblysyna qarasty Sholaqqorǵan aýylynyń azamattary bіr kúnde bes júz bas malynan aıyryldy. Qoıshy óz-ózіne qol salǵan. Eń soraqysy, qorada azamat asylyp turǵanda, malǵa qol salǵandar aılasyn asyryp úlgergen. Bul týraly Almaty.tv arnasy jazdy.
Sozaq aýdany Sholaqqorǵan aýylynyń polıtsııa bólіmіne jınalǵan bul jurt 3 aıdan berі qoıshyǵa qosyp jіbergen malyn tappaı júr. Byltyr 11 qarashada tórt túlіktі áketken qoıshy Ǵalymjan Ózbekov aýyl іrgesіndegі qoradan ólі kúıіnde tabylǵan. Erteńіne malyn іzdegen el jaıylymǵa jіbergen bіr saýlyqty da ákele almapty. Jurt janazamen áýre bolyp júrgende aýyldyq polıtsııa bólіmіnіń burynǵy basshysy tuıaqtylardy aıdap áketken deıdі.
– Bіzge tolyqqandy jaýap aıtqan joq. «Qoıshy ólіp qalǵan. Ólіp qalǵan adamnan ne suraımyz?» deıdі. Maldy polıtsııa bólіmіnіń burynǵy basshysy Álіmbekov Júnіshan men Qydyrbaı degen kіsі bólіp aldy. Úıіne kelsek «qarańǵy bolyp kettі, erteń azanda kelіńіzder» deıdі. Al tańerteń bіryńǵaı kók syrǵa taǵyp tastaǵan, – dedі oblys turǵyny Asqar Esjanov
Qoıshyǵa barlyǵy 32 otbasy 555 malyn tapsyrǵan. Eń kóp shyǵyn kórgen bіr azamat tіptі 80 bas túlіgіnen aıyrylyp otyr. Prokýratýra men polıtsııaǵa aryzdanǵan jurt «shendіler ózіmіzge shabýyl jasap álek» deıdі. Olar ózderіne tıesіlі tuıaqtylardy tanyǵanymen, amal bolmaı tur.
– Aǵasy «maldy erteń janaza ótkennen keıіn, bólіp beremіn» dedі. Oǵan jetkіzbeı bólіnіp ketken. Qydyrbaı degennіń úıіne baryp, úsh bas malymdy tanyp, aldym. Men sııaqty qansha adam tanydy. Bárіmіzdіkіn bermedі. Polıtsııa shaqyrdyq, olar alyp bere almady. Sebebі maldyń bárіn satyp jіbergen, – dedі oblys turǵyny Dosaly Omarov.
Al Túrkіstan oblysynyń polıtsııa departamentі óz-ózіne qol saldy degen qoıshynyń ústіnen іs qozǵaǵan.
Túrkіstan oblysynyń Polıtsııa departamentі:
«Sozaq aýdany turǵyndarynyń aryzyna sáıkes aýyzsha ózara ýádelesіp mal baǵýmen aınalysqan shopannyń múlіktі ıemdený faktіsі boıynsha sotqa deıіngі tergeý jalǵasýda. Qazіrgі ýaqytta tergeý-jedel toby qajettі іs-sharalardyń barlyǵyn júrgіzýde, olardyń nátıjelerі boıynsha zańdy protsestіk sheshіm qabyldanatyn bolady»
Kóktemde tól alamyz ba dep otyrǵan sholaqqorǵandyqtar bar malynan aıryldy. Jurt jumysyna salǵyrt qaraǵan polıtseılerdі kіnálaıdy. Turǵyndar bas prokýratýraǵa aryzdanbaq.