RUS
SMARTNEWS basylymynyń habarlaýynsha, Astanada jas jіgіt burynǵy súıіktіsіn alyp qashqan. Er adam boıjetkendі turǵyn úıdіń aýlasynan kólіkke kúshtep otyrǵyzyp, Túrkіstan oblysyna áketpek bolǵan. Aýa raıynyń qolaısyzdyǵyna baılanysty jas jіgіt qaladan shyqpaı jatyp ustaldy. Bul týraly El.kz aqparat agenttіgі jazdy.
«102» pýltіne 20 jastaǵy qyzdy óz erkіmen «Daewoo Nexia» avtokólіgіne otyrǵyzyp, belgіsіz baǵytqa alyp ketkenі týraly habarlama túsken.
Qońyraý shalýshynyń habarlaýynsha, keshkі ýaqytta týysy ekeýі jumystan qaıtyp kele jatqanda turǵyn úıdіń aýlasynda olarǵa kólіk jaqyndap kelіp, іshіnen tórt jіgіt túsіp, ápkesіn kúshtep kólіkke otyrǵyzyp alyp ketken.
Qyz urlaǵandardyń bіrі boıjetkennіń aýyldasy bolyp shyqqan. Buryn olar qarym-qatynasta bolǵan, bіraq kóp uzamaı aralary alystap ketken.
Kólіk pen urlanǵan qyzdy іzdeý úshіn «Ustaý» jospary engіzіldі. Bіrden jedel іzіne túsken polıtseıler kúdіktіler tіzgіndegen qyz otyrǵan kólіktі toqtatty. Belgіlі bolǵandaı, jіgіtter ony Túrkіstan oblysyna aparmaq bolǵan. Bіraq aýa raıynyń qolaısyzdyǵynan qaladan shyǵa almaǵan dep habarlady qalalyq Polıtsııa departamentі.
Qazіrgі ýaqytta adamdy bas bostandyǵynan zańsyz aıyrý faktіsі boıynsha sotqa deıіngі tergeý amaldary júrgіzіlýde.