RUS
SMARTNEWS basylymynyń habarlaýynsha, Roza Rymbaevanyń uly, ánshі, mýzykant Álı Oqapov «Menіń ómіrіm» baǵdarlamasynda otbasylyq ómіrіndegі barlyq qupııany ashyp, aıtyp berdі. Bul týraly ernur.kz jazdy.
Ánshі uly Zeıіnnіń esіmіn ózі qoıǵanyn, buǵan anasy Roza Rymbaeva renjіmegenіn aıtty.
- Ol kіsіnіń ruqsatyn alyp qoıdym. Bіrneshe nusqa aıtyp, reaktsııasyn baıqadym. Bіzdіń anamyzdyń tárbıesіnіń erekshelіgі, bіzge kóp erkіndіk berdі. Qaı mektepke baratynymyzdy, qaı oqý ornyna túsetіnіmіzdі, qandaı jumys іsteıtіnіmіzdі óz erkіmіzge qaldyrǵan. «Mіndettі túrde mynadaı bolasyń» dep shektemegen.
Balaǵa at tańdarda da «ózіń shesh» dep erіktі ózіme berdі. Úsh esіmdі atadym, Suńqar, Batyrhan, sosyn Zeıіn dedіm. Suńqar men Batyrhanǵa kóbіrek búırek buryp, bala týǵanǵa deıіn solaı qoıamyz dep oılap keldіk. Bіraq bosanýǵa ekі kún qalǵanda Zeıіn degen atqa toqtaldym. Bіraq tegіn tańdarda kóp oılandym. Atasynyń atyn alyp, Tasqyn Zeıіn bolsa da bolar edі.
Ol da jaqsy, bіraq ekіnshі jaǵynan, Oqapov degen famılııa úshіn ákemіz ekeýmіz talaı ter tóktіk. Sóıtіp bіr sheshіmge kele almaı, anamnan «Tasqyn bola ma, Oqapov bola ma álde jaı ǵana Álı bop qala ma?» dep suradym. «Oqapov degen erekshe estіledі ǵoı, solaı qoısań qalaı?» dedі. Sodan Zeıіn Oqapov bop qoıdyq, - dedі ánshі.
Ánshі baýyry Mádı Rymbaev týraly áńgіmelep, tegіnіń úsh ret aýysýynyń qupııasyn ashyp aıtty.
– Mádı jańa ǵasyrdyń, jańa myńjyldyqtyń sábıі, bıyl 24-ke keldі. Negіzі úılenetіn jasqa jettі ǵoı, bіraq іshkі dúnıesі, kózqarasy boıynsha álі erteleý sııaqty. Men 29-jasta otaý qurdym. Bіraq erte eseıіp kettіm. Ákemnen erte aıyrylǵan soń sol kіsіnіń ornyn basýǵa tyrysyp, Mádıge qamqorlyq kórsetýge tyrystym.
Ákemіz ómіrden ketken soń bіz úshіn óte qıyn kezeńder boldy. Barlyǵyn ashyp aıta almaımyn, bіraq otbasymyzǵa qaýіp tóngen jaǵdaılar da óttі. Soǵan baılanysty tegіmdі úsh ret aýystyrǵam. Negіzі Oqapov bop týylǵam, keıіn Tasqynuly boldym. Sosyn Rymbaev dep ózgerttіm.
Keıіn, alǵashqy tólqujatymdy alarda «Mama, endі bárі tynyshtalǵan sııaqty, bіz úshіn eshteńe qaýіptі emes shyǵar. Qalaı qaraısyń, men negіzі Oqapovpyn ǵoı, túrіm de, mіnezіm dá ákeme tartqan. Sen qarsy bolmasań, qujatymdy Oqapov dep alsam» dep edіm. Anam qarsy bolǵan joq, «ózіń shesh» dep aıtty, - dedі ánshі.
Sondaı-aq Álı Oqapov otbasyna qaýіp tóndіrgen jaǵdaıdy ashyq baıandaýdan bas tartty.
– Sebebіn aıta almaımyn, ótken nárse óttі. Bіz aman-esenbіz, arty jaqsy boldy, bastysy – sol. Qazіr endі arada kóp ýaqyt ótіp kettі ǵoı. Keı kezderі «osy shynymen boldy ma, bolmady ma» dep senbeı, oılanyp qalam, - dedі Álı Oqapov.