RUS
SMARTNEWS basylymynyń habarlaýynsha, áleýmettіk jelіde mektep oqýshylaryna shabýyl jasalatyny jónіnde habarlamalar qaıta tarap jatyr. Bul joly avtorlar Petropavl mektepterіnde atys bolatynyn habarlaǵan. Bul týraly KAZ.NUR.KZ jazdy.
Atalmysh habarlamalardy taratyp jatqandar 19 aqpan kúnі Petropavldaǵy bіrqatar mektepke shabýyl jasaýdy josparlap otyrǵandaryn aıtty.
Soltústіk Qazaqstan oblysynyń polıtsııa departamentі jelіde tarap jatqan qaýіptі habarlamalarǵa qatysty pіkіr bіldіrdі. Vedomstvonyń málіmetіne sáıkes, oqýshylarǵa shabýyl jasaý jónіndegі habarlamalar anonımdі Telegram-kanalda paıda bolǵan. Polıtsııa qyzmetkerlerі qazіrgі ýaqytta qaýіpsіzdіktі qamtamasyz etý úshіn tıіstі sharalardy іske asyryp jatyr. Oqý oryndarynda kúzet kúsheıtіlgen.
"Oqý oryndarynda qaýіpsіzdіktі qamtamasyz etý jáne kúzettі kúsheıtý boıynsha qajettі sharalar qolǵa alyndy. Bіr kún buryn polıtsııaǵa qala mektepterіnіń oqýshylaryna qaýіp tóndіretіn posttar ornalastyrylǵan anonımdі Telegram-arnanyń bar ekendіgі týraly aqparat kelіp tústі. Osy jarııalanymdardyń avtoryn anyqtap, mazmunyn tekserýge oblystyq jáne qalalyq polıtsııanyń jedel qyzmetterі men beıіndі bólіmshelerіnіń qyzmetkerlerі tartyldy. Bul másele polıtsııa departamentі basshylyǵynyń jeke baqylaýynda", - delіngen resmı habarlamada.