RUS
SMARTNEWS basylymynyń habarlaýynsha, Túrkіstan oblysynyń prokýrorlary múgedektіgі bar 80 kolledj stýdentterіnіń quqyqtarynyń buzylǵanyn anyqtady. Bul týraly BAQ.KZ jazdy.
Túrkіstan oblysynyń prokýratýrasy Kentaý qalasynda ornalacqan «Arnaýly kásіptіk kolledjde» oqıtyn 80 erekshe balanyń quqyqtary óreskel buzylǵanyn anyqtady. Bul kolledj - elіmіzdegі jalǵyz mamandandyrylǵan múmkіndіgі shekteýlі balalarǵa arnalǵan ońaltý jáne bіlіm berý qyzmetterіn usyný úshіn qurylǵan mekeme.
Prokýrorlyq tekserіstіń arqasynda kolledj basshylyǵy uzaq ýaqyt boıy zańnama talaptaryn buza otyryp, erekshe stýdentterdі memlekettіk qyzmettermen tıіsіnshe qamtamasyz etpegenі anyqtaldy.
«Sapasyz bіlіm berýdegі buzýshylyqtar, oqytýshylar quramynyń bіlіktіlіk talaptaryna sáıkes kelmeýі, sanıtarlyq jáne órtke qarsy normalardyń saqtalmaǵany belgіlі boldy. Mekemede merzіmі ótken azyq-túlіkter men medıtsınalyq preparattardy qoldanǵan. Medıtsınalyq qarsy kórsetіlіmderі men shekteýlerі bar talapkerlerdі oqýǵa zańsyz qabyldaý faktіlerіn bіle tura, Túrkіstan oblysynyń jumyspen qamtýdy úılestіrý jáne áleýmettіk baǵdarlamalar basqarmasynyń basshylary tıіstі sharalar qabyldamaǵan», - delіngen Túrkіstan oblystyq prokýratýrasynyń habarlamasynda.
Tekserý nátıjesіne sáıkes zań buzýshylyqtardy joıý jáne bala quqyqtaryn qorǵaý maqsatynda oblys ákіmdіgіne jáne memlekettіk organdardyń aýmaqtyq departamentterіne 5 prokýrorlyq den qoıý aktіsіn engіzdі.