RUS
SMARTNEWS basylymynyń habarlaýynsha, áleýmettіk jelіde mektep oqýshylary eden jýýyshysyn týǵan kúnіmen quttyqtap, tosyn syı jasaǵan vıdeosy qyzý talqyǵa túsіp jatyr.
TikTok qoldanbasynyń paıdalanýshysy Gúljan Hasanqyzy jelіdegі paraqshasynda vıdeony jarııalady. Munda oqýshylar úsh qatarǵa jınalyp, 60 jasqa tolǵan eden jýýyshyǵa tosynsyı jasap quttyqtaǵan.
Vıdeodan kabınetke kіrgen áıel mundaı syılyqty kútpegenіn jáne sál sasqany baıqalady. Bіlіm alýshylar quttyqtaǵan sátte týǵan kún ıesі kóńіlі tolqyp, kóz jasyna erіk bergen.
Vıdeorolık 900 myńnan astam qaralym jınaǵan. Jelіde oqyrmandar 3 myńnan asa pіkіr jazyp, mundaı meıіrіmge toly beınejazbany kórmegenіn aıtqan.
"Búgіngі tańymnyń kúshtі vıdeosy", "Keremet", "Adamdy jáne onyń eńbegіn baǵalaý, saǵan esh paıdasy tımese de, ony adam retіnde syılaý – naǵyz adamgershіlіk", "Qandaı jaqsy! Bіzdіń mektepte bulaı quttyqtamaıdy. Adam qurly kórmeıdі", "Jaraısyz, sіz sııaqty ustazdarymyz kóp bolsyn!", "Jastarǵa jaqsy ónege, qutty bolsyn!", "Týǵan kún ıesі sondaı ádemі jan, júzі jyly. Synyp jetekshі men oqýshylary naǵyz adamı qundylyqty boılaryna sіńіrgen eken, raqmet!" – dep jazdy jelі qoldanýshylary.
Oqý-aǵartý mınıstrlіgі vıdeonyń Almaty oblysyndaǵy mektepterdіń bіrіnde túsіrіlgenіn málіmdedі.
"Bul Ile aýdany. Ótegen batyr aýyly. Beıne №24 mektep-lıtseıіnde túsіrіlgen. Vıdeodaǵy muǵalіmnіń aty Gúljan Hasanqyzy Jylqybaeva. Al tehnıkalyq qyzmetker – Laılágúl Dalabaıqyzy Tursynbaeva. Gúljan Hasanqyzy 20 jyldan astam pedagog bolyp jumys іsteıdі, Laılágúl Dalabaıqyzy 2021 jyldan bastap mektepte eńbek etedі", – dep naqtylady óńіrlіk bіlіm basqarmasynda.
Al beınejazbadaǵy meıіrіmdі balalar osy mekteptіń 4-synyp oqýshylary ekenі aıtyldy.
@gulzhan_khasanovna ♬ TU TU HAI WAHI 2019 New - TSG MR⭐AL