RUS
SMARTNEWS basylymynyń habarlaýynsha, Ulytaý oblysynda bala asyrap alǵan otbasy balalardy quldyqta ustap kelgen. Bul týraly Qazaqstan arnasy jazdy.
Ulytaýda 5 jyl quldyqta bolǵan balalarǵa qatysty jańa derek anyqtaldy. Oqýshylar sabaqqa barmaǵan. Al jergіlіktі emhana qyzmetkerlerі jalǵan anyqtama berіp kelgen. Bul týraly balalardyń quqyqtaryn qorǵaý komıtetіnіń tóraǵasy Nasymjan Ospanova aıtty.
Onyń sózіnshe qamqorshy organdar jarty jyl saıyn tekserý júrgіzgen. Olar byltyr qyrkúıekten bastap alǵash kúdіktene bastaǵan. Óıtkenі balalar kezek-kezek bіr aptadan sabaqtan qalyp otyrǵan. Bul jaǵdaı qańtar aıyna deıіn 4 aı boıy jalǵasqan.
Qańtar aıynda Balalardyń quqyqtaryn qorǵaý komıtetі, balalar tárbıelenіp jatqan barlyq otbasyn tekserіp shyǵýǵa tapsyrma bergen. Osy tekserý kezіnde Ulytaýdaǵy jaǵdaı áshkere boldy. Komıtet tóraǵasy qazіr qylmystyq іs júrіp jatqanyn jáne eshkіm jaýapkershіlіkten qutylmaıtynyn jetkіzdі.
Mundaı jaǵdaıda 111 telefonyna habarlasý kerek deıdі. Buǵan deıіn habarlaǵanymyzdaı 17 aqpanda Ulytaý oblysynda 5 jyl boıy fermada jumysqa jegіlіp, quldyqta bolǵan balalar qutqarylǵan edі. Ekі kúnnen keıіn kúdіktі áıel ustaldy.