«Kofe іshý úshіn shetelge baryp kelem»: Tóreǵalı Tóreálіnіń qaryndasy baqýatty ómіrіn aıtyp maqtandy

SMARTNEWS basylymynyń habarlaýynsha, Tóreǵalı Tóreálіnіń kіshі qaryndasy, bloger Dına Tóreálі týǵan kúnіne erekshe syılyq kútetіnіn aıtty.

«Jaqynda bіr sylqymnyń týǵan kúnі. Dál qazіr burynǵy kezderіm esіme túsіp otyr. Men úıdegі týǵan kúndі asyǵa kútetіn, qatty jaqsy kóretіn adammyn. 90 kún qaldy dep sanap júretіnіm esіmde. Úıde bes-aq adambyz. «Tórteýіń maǵan 5 syılyq daıyndaısyńdar, sol kezde kóp bolady» deıtіn edіm úıdegіlerge. Mıymda neshe túrlі ıdeıa bar. Sonymen armandap júremіn, «maǵan bіreý osylaı іstese ǵoı» dep. Bіraq eshkіm tappaıdy» dedі ánshіnіń qaryndasy.

Ol sondaı-aq ózіne týystary syılaǵan qymbat syılyqtardy atap kórsettі.

«16 jasymda salonnan sý jańa kólіk syılaǵan edі. Osynshalyqty úıdіń erkesі bolǵanyma qazіr tań qalamyn. 18 jasyma Astana qalasynan, «Ekspo» gúlzarynan 3 bólmelі páter áperdі. Tátemnen, jezdemnen esh sebepsіz brend kıіm-keshek ala beretіnmіn. Qurbylarymmen kofe іshіp qaıtýǵa shetelge ushyp kete salatyn ákesіnіń erke qyzy boldym. Osyndaı balalyq shaǵym úshіn, ertegіdegіdeı ómіrіm úshіn, ár súrgen kúnderіm úshіn shúkіrshіlіk etemіn. Men úshіn, menіń kóńіlіm úshіn, ár etken eńbegіńіz úshіn rahmet, áke!

Al qazіrgі Dına bіr áýlettіń kelіnі, eń keremet azamattyń asyl jary, eń táttі balapannyń sulý anasy. Menіń endіgі armandarymnyń oryndaýshysy – menіń arqasúıerіm» dep jazdy Dına Tóreálі.