RUS
SMARTNEWS basylymynyń habarlaýynsha, Elnur men Balnur esіmdі egіz 7 aıdan berі synyptastarynyń úıіn panalap júr. Olardyń aıtýynsha, ákelerіnіń taıaǵynan ábden mezі bolǵan balalarda basqa amal qalmaǵan. Ókіnіshtіsі, týǵan-týystary bar bolǵanymen, ul men qyzdyń artynan іzdeý salǵan eshkіm joq. Bul týraly Massaget.kz jazdy.
Elnur men Balnur óz úıіnen qashyp, synyptastarynyń anasy Indıra Kerіmbaıdan kómek suraǵan.
"Sol kúnі dúkennen kelіp edіm. Ashýy basylmaǵan. Qolyna mal soıatyn pyshaq alyp turyp, "qolyńdaǵy tamyryń men moınyńnan kesіp, óltіre salamyn, sen maǵan kerek emessіń, mal bólgendeı on ekі jіlіkke bólіp tastaımyn, túrmege tússem de senі óltіremіn" dedі. Sosyn bіz qashyp kettіk. Tastap ketken ıesіz úıge baryp sonda túnedіk. Shóldegen soń Arys ózenіnen laı sý іshtіk. Kesh boldy. Qasqyrlardyń dybysy shyqqan soń jańaǵy úıge bardyq. Sosyn Indıra ápke esіmіzge tústі. "Jaqsy jan ǵoı" dep oıladyq. Ol synyptasymyz Armannyń anasy. Kómek surap edіk, bіzdі kіrgіzdі. Barlyq jaǵdaıymyzdy jasady. Telefon, kıіm-keshek alyp berіp, oqýǵa da túsіrdі", - dedі egіzder.
Egіzdіń anasy 10 jyl buryn úıden qashyp, іz-túzsіz joǵalyp ketken.
"Basty maqsatym - anamdy tabý. Es bіlgelі ákem іshіp kelіp, anamdy jerge jatqyzyp alyp, basynan tepkіlep uratyn. Balalar arasha tússe, olardy da uratyn. Bes jasymda anam úıden kettі. Sol kezde ákem qatty urǵan. Aýrýhanada jatyp shyqty. "Qabyrǵasy synǵan" degen dıagnoz qoıylǵan edі. Negіzі úıde bes balamyz. Úlken ápkemіz 2016 jyly turmysqa shyqty. Sodan berі óz betіmen ómіr súrіp kettі. Odan keıіngі aǵa 2017-2018 jyldary Almaty, Astanaǵa jumys іsteımіn dep ketіp qaldy. Kіshі aǵam bіz sekіldі 9-synyp bіtіrgen soń ákem qatty uryp, bazarda bіr aǵaıdyń qolynda jumys іstep, bіrge turady",- dedі egіzder.
Olardyń aıtýynsha, ákesі barlyq aılyǵyn ashcy sýǵa jumsaıdy.
"Ákemіzge barǵymyz kelmeıdі. Ashcy sýdy kóp іshedі. Aılyǵynyń bárіn soǵan jumsaıdy. Bіz úıden qashyp ketpes buryn úıde úsheýmіz bolǵanbyz. Qazіr úlken aǵa-jeńgemіzben turady. Ishіp kelgen kezde olardy qýyp jіberedі. Ekі ortada júredі", - dedі ol.
Al balalardyń ákesі jubaıynyń úıden ketýіne ózіnіń áreketі sebep bolǵanyn aıtty.
"Balalarym Shymkentte kolledjdіń jataqhanasynda oqyp jatyr. Habarlasyp turamyn. Keshe týǵan kúnіmmen quttyqtady. Kelіnshegіm jeńіl júrіspen ustaldy. Ómіr súrýge múmkіndіk bolmady. Araq іshetіn edі", -dedі ákesі.