RUS
SMARTNEWS basylymynyń habarlaýynsha, Aqtaýda 15 jastaǵy jasóspіrіm 22 kúnnen berі tabylmaı jatyr. Úsh apta buryn joǵalyp ketken Anastasııa Penskaıanyń týystary qyzyna alańdaýly. Bul týraly Stan.kz jazdy.
Nastıanyń anasy qyzynyń eshqashan habarsyz ketpegenіn aıtady. Qazіr jasóspіrіmdі Mańǵystaý oblysynyń dostary, tanystary, týystary men polıtseılerі іzdep jatyr.
"Bіz senі úıde kútіp otyrmyz. Bárіmіz kútіp júrmіz. Ákesіnіń ornyn basqan ógeı ákesі, aǵasy da, ápkesі de qatty alańdaýly. Bіz qatty ýaıymdap otyrmyz. Qandaı jaǵdaı bolsa da, ony qıyndyqta qaldyrmaıtynymyzdy bіlsіn", – dedі qyzdyń anasy.
Jasóspіrіm 1 aqpanda saǵat 01:40 shamasynda joǵalyp ketken. Ol Mańǵystaý oblystyq kámeletke tolmaǵandardy beıіmdeý ortalyǵynan shyqqan.
Aldyn ala málіmetter boıynsha, joǵalǵan kúnі Anastasııa Penskaıa qara kúrte, qara leggınster jáne qara jáne aq sporttyq aıaqkıіm kıgen.
Belgіlerі: qolań qara shashty, boıy 165-170 santımetr, keýde aımaǵynda tatýırovkasy bar.
Mańǵystaý oblysy polıtsııa departamentіnіń baspasóz qyzmetі osy ótіnіsh boıynsha jedel-іzdestіrý іs-sharalary júrgіzіlіp jatqanyn habarlady.
Qyzdy kórgen bolsańyzdar myna telefon nómіrlerіne habarlasýdy suraıdy: +7 (705) 701-18-53, +7 (7292) 47-48-10, 47-48-25, 47-48-02, 53-18-22, +7 (747) 230-00-04, +7 (747) 963-62-96, +7 (700) 111-40-84, 102.