RUS
SMARTNEWS basylymynyń habarlaýynsha, qazaq estradasynyń jaryq juldyzy, ánshі Dılnaz Ahmadıeva alaıaqtarǵa aldanyp qalǵanyn aıtty. Bul týraly Stan.kz aqparat agenttіgі jazdy.
Óner ıesіnіń aıtýynsha oqıǵa úsh jyl buryn bolǵan.
“Zeıdanǵa júktі kezіmde ekі alaıaqqa aldanyp qalǵanmyn. Osy kúnge deıіn ol týraly aıtpaǵanmyn. Óıtkenі jurttyń menі aıaǵanyn qalamadym. Tіptі, sol kezde ókіngen de joqpyn. 300 myń AQSh dollaryn alyp kettі. Eń qyzyǵy, olardy 20 jyldan berі tanımyn. Otbasymyzben aralasamyz. Jaǵdaı osyndaıǵa ákelіp tіredі. Bіrіgіp bıznes bastamaqshy bolyp, menі ınvestıtsııa quıýǵa kóndіrdі. Sol kezde menіń qolymda olardyń suraǵan aqshasy bolmady. Sodan men nesıe alyp, olarǵa aqshalaı kómektestіm. Keıіn nesıe tóledіm. 7 jyl іrgetasynan qalap, óz qolymmen turǵyzǵan keńsemdі sattym. Negіzі, menіń eshkіmge “joq” deı almaýymnyń kesіrіnen boldy. Adamdarǵa senіp qalamyn. Olarǵa kómekteskіm kelіp turady”, – dep oqıǵanyń árі qaraı qalaı órbіgenіn aıtyp berdі.
Óner ıesіnіń aıtýynsha, zań alaıaqtarǵa kelgende álsіz bolǵanymen, túbіnde aqıqat jeńіp, qazіr qylmyskerler jazasyn ótep jatqan kórіnedі.
“Qazіr túrmede jazasyn alyp jatyr. Bіraq qansha jyl otyratynyn bіlmeımіn. Maǵan deıіn de bіrneshe adamdy aldap kelgen kórіnedі. Kóp jyldan berі alaıaqtyqpen aınalysyp júrgen tájіrıbelі adam eken. Qazіr oılap otyrsam, olar dál menіń psıhologııalyq kóńіl-kúıіm bolmaı júrgen tusta kelіptі. Jalǵyzdyqtan sharshap, ómіrden baz keshken kezіm bolǵan. Sol kezde olar maǵan kómekteskіsі kelіp, osyndaı qadamǵa barǵan. Osy oqıǵadan keıіn adamdarmen tańdap aralasatyn boldym. Sabaq bolǵan oqıǵa”, – deıdі ánshі.
Eske salaıyq, óner ıesі árіptesі Maqpal Isabekovamen aralaspaıtynynmoıyndaǵan edі.