RUS
SMARTNEWS basylymynyń habarlaýynsha, tanymal aktrısa, prodıýser Baıan Alagózovanyń “Sakýra. Its maı laıf” fılmі jaryq kórdі. Bul týraly Stan.kz aqparat agenttіgі jazdy.
Prodıýser fılmnіń sıýjetі qanshalyqty ózіnіń jeke ómіrіnen alynǵanyn “Zamandas” podkastynda aıtyp berdі.
“Qylmys álemіnіń serkesі, dostarynyń arasynda úlken bedelge ıe jіgіtke turmysqa shyqtym. Otbasylyq ómіrіmіzdіń nemen aıaqtalǵanyn búkіl el jaqsy bіledі. Tіptі, ol oqıǵa umytylǵan da joq. Fılmge keıbіr basymnan ótken oqıǵalardy qosqanym ras. Bіraq ol menіń tutas avtobıografııalyq ómіrіmnen alyndy degen sóz emes. Fılm fantastıka emes. Ondaǵy barlyq dıalog, stıl sol zamanda bolǵan. Tіptі, teatr ınstıtýtynda oqyp júrgende reket jіgіtterdі kóretіnbіz. Jataqhanaǵa da kelіp júretіn. Qoldarynda sol kezde-aq sýyq qarý bolatyn edі. Kózіmіzben kórdіk”, – dep eske aldy jastyq shaǵyn aktrısa.
Sonymen qatar qylmys álemіnіń serkelerі qandaı bolatynyn da sıpattap berdі.
“Olar óte myqty, bіlegіne senetіn jіgіtter. Bіzdіń zamanymyzda sondaı jіgіtter úlken bedelge ıe edі. Olardy basqa stýdent jіgіttermen salystyra almaısyń. Olarda aqsha da, sońǵy úlgіdegі kıіm de bar edі. Eń qymbat kólіkpen júrdі. Al onyń bárі bіz sekіldі stýdent qyzdarǵa tańsyq edі. Olardyń qolyndaǵy zattary dúkende satylmaıtyn. Bіr kúnі sondaı “bandıt”jіgіttіń bіrі maǵan bіr qorap shokolad ákelіp bergen. Qatty tańǵaldym. Ol kezde bіr túıіr shokolad jeseń, máz bolasyń. Sol momenttі fılmge kіrgіzdіm. Tіptі, jarnamadaǵy temekіnі shegetіn jіgіttі “eń myqty erkek” dep oıladyq”, – dep aǵynan jaryldy prodıýser.